Aktualune Nevipya
Yek dekada vash na dende lafya phando e viza
- 25/10/2018
- By Romano Avazo
Pe agor e bershesko ka ovel yek dekada sar kota Kosovako Sombershipe dena lafi vash liberalizipe e vizako e Evropaka Unia.
Akala dende lafya dena mol sar atharno (hovaibe) e dizutnengo vash te garaven vote e partienge ano guvernipe. Agorutni deklaracia kota ministria vash Evropako Integripe,Dhurata Hoja,vakergya vash “Zëri” kay decisipe vash vize ano Somgidinipe e Ministriako shay tena ovel pe agor e bershesko kana dengyola mol kay ingarla procesi ano bipenjardo dogripe.Palo janglaripe vash Kosovako Biumlavipe sig liberalizipe e vizako sine yek dendo lafi phando e vota vash politikuno subyekti.
Ayeka partie ano guvernipe pashe yek dekada ano phiravipe dende lafi vash cidipe odova may sigutno e vizengo ano Schengen zona. Phando vash cidipe e vizengo vakerdilo ini pe lungipe akale bershesko,numay shrdinde te den signali kay na ka ovel decisipe pe lungipe 2018,te sine kay na siguringyola manglo phikodeipe kota somjene ani Evropaki Unia,hraminla“Zëri”..