Veseli: kobar may baro o PDK, abokar may zorali si te ovel e Kosova

376

Sheruno e Kosovaka Demokrativuna Partiyako, Kadri Veseli, ano palodivune orya e kurko diveske lela kotor ani yekh ceremoniya e phravipesko e alosaripesko procesi  ano andriipe  para partiyake khelipasake.

Ov kergya kharipe kotar o Prizreno sah e Kosovake intelektualyenge, bukyarnenge thay ternenge kay te bereberingyon e PDK-eske pe buhlipe e andrune alosaripeske proceseske, garantipea kay ani Nevi Dekada, e PDK si te ovel may zorali partiya koya si te evolvirinel thay zoralokerel e Kosovaki Republika.

“Kobar si te ovl zorali e Kosovaki Demokrativuni Partiya, abokar may zorali si te ovel e Kosova. Siyem ano yekh demokrativuno procesi e alosaripesko. Siyem misal vash o alosaripe. Si te ovel yekh putardo thay transparentyuno procesi thay kotar e Prizrenoski diz kharava sah e intelektualyen, akademiken, saslarnen, bukyarnen,ternen, kay te bereberingyon e Neva Dekadako e Demokrativuna Partiyako. Te len jevapipya vash o shukaripe pere familiengo, vash o Kosovako shukaripe”, phengya o Veseli.

“O PDK si te ovelola ano poro andripe ani piri struktura may shukarne manushen kotar sakoya mahala,sakova gav,sakova foro feri so o PDK si yekh bari familia koya garaninla evolviripe thay Kosovako integripe: phengya o Velseli.

Kurko diveste sheruno e PDK-ako vizitingya ini o krange ano Dragashi thay Suhareka, kote ini putargya o alosaripesko procesi ano andripe e partiyako.