Vakerna vash komunitetyngi situacia,bizo olenge reprezentya ano Sombershipe

505

Situacia vash  romano,ashkalyuno thay egipqanyuno komuniteti  isitoy alarlamantyuni.Ayeka vakerdilo  ano yek  kedipe  kay Romano,Ashkalyuno, thay Egipqanyuno avazo (VoRAE) thay rafin KOSINT  adikerde  e Kosovake Sombershipaske deputeteyenca ,rafin KOSINT thay ambasadora e Finlandaki, Pia Stjernvall.

Isak Skenderi,kota VoRAE,vakergya kay akava kedipe sile res avokipe thay integripe,janipa aktualuni situacia  kota marginalizime komunitetya RAE.

“Sar si  pe  raporti,92% romane juvla isiton bizo buti.Situacia e komunitetyengi isitoy alarmantyuni.Res akale kedipasko  tiknola,ayeka kay te siguringyol yek ketanjuno  ambienti ani Koosva”,vakergya ov,raportinla KSP

Yehona Jaferi kota KOSINT vakergya kay organizacie kola kerna buti vash  romano ashkalyuno thay egipqanyuno komuniteti,akana  isiton  kethane kova ka  diklargyol pe olengo avokipe.

“Me pakyava kay pe avipe te kera buti ano servisi ini individualuno,janipa ini kay tumen siyen astarde numay  isitoy mol kay ini tumaro avazo te shungyol”vakergya oy depuetetyenge  kola sine prezentyune pe akava kedipe.

Deputeta e PDK-partiaki Jevahire Izmaki vakergya kay rola kota deputetya isitoy but vasni,ayeka kay sila borji te keren buti vash akava komuniteti.

Oy vakergya  kay manglape pe akava kedipe te oven prezentyune ini reprezentya ano Koosvako Sombershipe.

Deputeta kota Alternativa,Mimoza Kusari-Lila vakergya  kay korkore haricyune komunitetya ani Kosova kola siton treterime ,e yaver isiton haricyune serbya.

“Vash amenge sar grupa,isito vasno te ovelamen gendo,missal,diplomirime,odola kola mekle skole,te kriirinen ideya kota te jan,amen siyem odola kola azhutina”vakergya Kusari-Lila.

Deputeta  kota LDK-partia,Vyosa Osmani,vakergya kay reprezentya kota akala komuniteya ano Koosvako Sombershipe shay te oven ano kedipe te mothaven   savi  isi olengi manglin.

“Siyem ani yek faza kana Sombershipe isito na funksionaluno,siyem ani situacia  kana ano andripe e plenaruna seancako shay te diskutingyol hari,numay ani komisia shay te ajukera”, vakergya Osmani.