Aktualune Nevipya

“Tikno Karaçi” motavla poro talenti kustikimo kotar “maestro Karaçi”

  • 14/05/2019
  • By Romano Avazo
Share

Ano amalipe e biacvna harmonaikako “maestro Karaçi”, sar khargyola kana sine jivdo kole ana pi godi vi adive, phiragya but periodya thay regipya ano Kosova thay Albania. O yekto arakhip ee harmanika sinele ano bersh 1937, ano olesko drom sinele shayipe te kerel korperciyae e but penjarde navencar. Ani Kosova sa sine than kote na kerdoy muzika”.

“Harmonika isitoy moro jivdipe… Sa mere jivdipaske sfida sim phiravdo ola”, phene”maestro Karaçi”

Ano bersha palomareba but ver isine sherunopersonazhi ano raportipya thay motaipya e nacionalune mediyenge may penjardutne, mashkaro olende “The New York Times”, Deutche Welle… sar yek protagonist e ratyengo kola oranizingyona sine vash i Kosovarui elita.Olesta siklilum but melodia thay finesse kola nashti sikloveja ani academia. Sa akala, kotar oleski butbershuni eskpereienca, kote ekzekutinga e may laca muzika, akargya pederal mande”, vakerla o Kastrito Marku, butbershuno  partneri.
Ini kay o maestro Karaçi na bistergyola niyekver, akala agorutne dive startingya te shungyol oleske anav may but vash duy sebebya: yek drom ano Prizreno lela olesko nav, ani yaver rig olesko unuko, kova kustikinela  e babosko nav, pere talenteya sine ano centro e godyako.
Rexhepi, student e Fakultetesko vash o Arti ani Peya, triumfinya ano yek khelipe e festivalesko kova adikerdilo ani Shkodra.
“Tikno Karaçi” kotar e klasa vash o klarninetya e Prof. Asoc.Fatbardh Gashi, ani ediciya XVIII e khelipaske “Pjetër Gaci” ani Shkodra dekorisalo e yekto thaneya (absolut)- katerogiya G.  Numay ani bari finaluni rat e khelipaski pe akaya ediciya, pe anglonu ver ulavdilo timin “Gjovalin Shestani”. Yuria unanikuno decisingya te del todina e Rexhepeske, e dekoripeya “Gjovalin Shestani”, yek may lace performencendar kotar sa o khelutne, ani sa katergoria e duhoske.

“Arti isitov kotor amare jivdipasko, na sitov triumfino, numay kustikimo” phengya “Tikno Karaçi” palo leyipe e todinako.

Romano Avazo – Ertan Galushi