Talo Ministri ani Ministria vash e Agrokultura Erxhan Galushi araklape Prizrenoske sheruneya Mytaher Haskuka thay Sastipaskes Direktoreya, Visar Shehu

261

May buhlo shay te arakahen e Talo Ministresko posti ano facebook

Adive, pe data 16 aprilli 2020, sinema baht te arakhape e sheruneya kotar e Prizrenoski Kommuna, r.Mytaher Haskuka thay direktoreya vash o sastipe, r.Visar Shehu.

O resipe e arakhipasko sine palo yek MANGIPE vash o deipe o tromalipasko dokumenti vash e bahqejiyenge thay te keren phuvyake bukya, palo decisipe kay ande o saslaripaski institucia ani Kosova thay REAGIPE palo aratikuno deklaripe e direktoresko vash o saslaripe, r.Visar Shehu, kay na mangllape sine te potencingyol o etnikuno deklaripe vash o infektimo jeno/i e viruseya CoVID – 19, sar jeno kova avela e komunitetestar Rom, Ashkalia ose Egipqani.
Sar Yekhutni Romani Partia – PREBK, manglem kay pe avipe tana ovell ayeka deklaripya pi etnikuni baza kana mothagyola vash o infektime personya e viruseya CoVID – 19.

Vi ayekha sar tallo ministri e Ministriako vash e Agrokultura,kerava naysipe e sheruneske ani Prizrenoski Komuna, r.Mytaher Haskuka, kay dengya shaipe e bahqejiyenge vash te keren phuvyake bukya thay naka oven qallavde kotar e Kosovaki Policia, janipa kay akala phuvya pala peste siolen yek tradicionalluno butikeripe maybut se 50 bersh, numay nane registripe sar bahqejiyenge firme, numay kergyolla buti po lender e shukarne LEKANIPEA.