Takse achona ani forca numay may buderi yaveripe ani raipyuni koalcia

396

Duyto dive e vizitako ani Kosova duy ofisionalune vizitina Jon Erata,sheruno direktori vash evropake bukya Deutno godi e Selikane Siguripasko Parne Khereske thay Viliyam Bred Berkliya,direktori vash evropake bukya,e kosovake presidentea Hashim Thaqi, thay nesave kota negociaki ekipa, sine lafi vash dialogesko procesi mashkar Kosovo thay Srbiya,gatisaripe akale procesesko,numay ini suspendipe e taksako thay phiravipe e diyalogesko kote shay te reslol sah leipe kotor e lekanipasko. Akava isito deklarimo ano presidentesko Kosovako kabineti Hashim Thaqi,palo agorutno kedipe,pe kolate vakergyola kay isito kethani konstatacia sine kotor e lekanipasko thay shay te ovel reciprocikuno konsideripe mashkar Kosovo thay Srbiya. Numay,pe lungipe akale arakhipasko isito diklardo stav kay ano niyek truyal thay ano varesavo mashkar,Kosovo na ka rezikinel mashkarthemutno ledeipe thay sasavipeya mikya kota Amerikake Yekhune Rashtre.Numay,Shpend Ahmeti,yek kota phiravno e negociaka ekipako reagingya pe akava penjaripe e presidentesko kabineti,deklaringya kay pe lungipe e arakhipasko e Eratea thay Berkliya na bareshisale kay pokipe e taskako te suspendingyol.

“Pozicia Yekhune Amerikake Rashtrenca isito klaruni.Thay sebepi vash taksako isito klaruno.Akana achola Kosovake te anel decisipe kova isito strategiyako interesi. Sakova ovipe kova shay te diklol sar yek personaluno vijaipe yase alosaripasko vijaipe, anla ziani Kosovake thay olaki negociaki pozita “vakergya Ahmeti.

Palo resipe ani Prishtina,duy ofisionalune amerikake,ij vakerde e presidentoa thay Kosovake sheruneministrea Hashim Thaqi thay Ramush Haradinay,numay mediye vakerna kay ini akaya ver sine bidosh ano servisi kay Sherunoministri e Kosovako mekla vash yek ulavdo periodi suspendinla decisa vash taksa pedero inporti e srbyune thay bosnake malyengo, ayeka kay te dengyol shansa vash phiravipe e dialogesko thay agorutni res sah leipe kotor e lekanipasko e Srbiya. Sherunoministri Haradinay pe angleder mekla o kabineti e Kosovake presidentesko,kote evolviringyola sine vakeripe,numay frdingya respodipe ano pucipe e zhurnalistyengo thay arakhipe e amerikake reprezentyenca sasavipeya vash shayutno cidipe e decisipasko pedero tarifa e fakturaki vash inporti e srbyune malyengo.Palo harno vahti,ov hramingya ano poro Facebook kay Kosovaki Republika isitoy angazhimi ani forca e demokraciaki thay olaki institucia ,kay isitoy godovarni kana ovela lafi vash tromalo trego ano rayoni Ratoriguno Balkani thay kay phikoinla yek multietnikuno amalipe e Yekhune Amerikake Rashtrenca. Numay,Haradinay adive deklaringya kay na ka cidel decisipe vash taksa ji kay Srbiya na penjarla Kosovo. “Dilayog shay te phiragyol, te reslol sah leipe kotor thay obligativuno kris andre ekzistipaski samatrada, numay koya na lela pe konsideripe Republika e Milorad Dodik ani Kosova.

Sasavipeya,amen lelem yek penjaripe e amerikake rodlaripasko kay e taksa te suspendingyol,numay isi duy aspektya. Yek isitoy kay taksa te diklol sar yek achavipe vash te irangyol ano dialog,thay aver sar yek azhutipe vash lekanipaski res so may sig shayutni te ovel.Ayeka,koba vahti ka ovel ani forca,vahti ka pokingyol may buderi e Srbiyake se e Kosovake”,vakergya Haradinay. Kosovako presidento,Hashim Thaqi,palo ofisionaluno kedipe e Amerikake Yekhune Rashtrenca,vakergya kay Kosova ano niyek truyal na ka anel mashkar o thema ziani thay mikyuno na halovipe e Amerikake Yekhune Rashtrenca. “Themutne institucie shay so may sig te len konkretune aktivitetya e godovarne mikenca kota Yekhune Amerikake Rashtre. Akala decispya shay te oven ano funksionipe e garavipaske thay zoralipe e ketanyune strategiyake e Amerikake Yekhune Rashtrenca thay amare themutne diklaripa vash dialog thay alosaripasko traynipe”,vakergya Thaqi.

Sasvipeya,avazdeutni e demokrativuna Kosovaki Aleansa,Besian Mustafa, vash online gazeta “Expres”, vakergya kay pe lungipe e kedipasko,Presidento Thaqi,informingya Isa Mustafa, vash “vizita e duy ofisionalune amerikake thay olengo rodlaripe dogrimo ano raipyuni koalicia”. Ano nevipe e arakhipa Thaqi thay Mustafa,reagingya ini parlamentaruno shefi e Socialdemokrativuna grupako Bilal Sherifi kova ano poro Facebook kay sito manglo te vakergyol soske reslilo te arakhenpe Thaqi thay Mustafa.

“Pakyava kay buhlo publikipe mangla te lel kan sebepi vash soske o Thaqi gelo te inforinel e Isa Mustafa ,vash arakhipe e Yekhune Amerikake Rashtrenca,leipe pe dikhipe sar si pe mediye,akala ofisionalune reprezentya ka araklon ini averenca.Achola te diklol pe nakle dive so pashe “informaciya”pashe arakhipe o Thaqi so propozingya e Mustafaske”,hramingya Sherifi. Pe aver rig, Bek Berisha vash online gazeta “Blic”, na achagya shaipe kay Thaqi thay Mustafa vakerde truyal eventualuno koaliciayako raipe e Demokrativuna Kosovaka Partiya,numay ikalgya ini stav