Aktualune Nevipya

Taksa kota 10% kvash ver tiknargya importi malyengo kota Srbiya thay Bosna Hercegovina

  • 17/11/2018
  • By Romano Avazo
Share

Sombeshipe vash garavipe e Kosovake konsumatoryengo, ale ji pe “agoripe”kay dizune isiton “somjanipa” kana isito pucipe leipe thanutne produktyengo,thay odova korkoro nesave dive feri so Kosovako Sombershipe angya decizia vash vazdipe e taksako vash 10% ano importi e malyengo kota Srbiya thay Bosna Hecegovina.

Sheruno akale Sombershipasko Sherif Feyzulahu, ani konferenca vash stampa e anavea “Savore kethane kontra chelalipe- bangipe koya resla kota Srbiya”numay rodingya kota presidento Hashim Thaci kay ano diyalogi e srbyune presidentea Aleksandar Vucic ano Brisel te sine kay Srbiya na respektinla resto lekanipe, shay te vazdingyon palem takse ano importi kota olengo produkti,ini te sine kay angyola decisipe vash achavipe importesko.

Feyzula khargya savore Kosovake dizune te kinen habaske produktya kota Albaniya, Turkiya,Makedoniya thay Kroacia. Numay, na sitoy may shukarni idea vash vazdipe e taksako ano importi e srbyune sheyengo kota Srbiya thay Bosna Hercegovina,dikla ini Kolin Haylend,butikerutni vash servisi ani amerikaki ambasada ani Prishtina,koya decisinla kay on kontribuina ano biznesi thay sar rezultati isilen nastablyuni ekonomia. Vazdipe e taksako vash o sheya ano importi kota Srbiya thay Bosna Hercegovina, avela ji pe holamo reagipe ano akala duy thana.

Srbyuno presidenti Aleksandar Vucic vakergya kay dialog ano Briseli na si shayipe te phiragyol ji kay na cidingyola decisipe,numay Srbyuni Lista vakerla kay vazdipe e taksako ano importi e srbyune malyengo rezikinla socialuno siguripe savore srbyune dizutnengo. Palo akava decisipe kota Srbyuni Lista kosvako Raipe vakergya kay somjene ano kosvako parlamenti ka ovelolen ovipe sar opozita thay ka pashakaren olengi vota vash pelaripe e raipesko Ramush Haradinay.

Mashkarovahti, kosovake ekspertya sasavipeya phikoina decisipe kosovake Raipesko vash vazdipe e taksako ano importi e produktyengo kota Srbiya thay Bosna Hercegovina,numay isi ini odola skeptikyune,kola dikhena kay ayeka decisipe sasavipeya anla pharipe e Kosovake dizutnenge,koya sasavipeya manglape te ulavel po buderi love,ulavipe vash leipe- kinipe e habaske produkyengo.

Pe aver rig,yaveruno ministri vash financie ano kosovako raipe,Fatmir Gashi,vakergya kay ano yek chon(masek) kota srbiya importinla sheya ano kobaripe mashkar 36 thay 40 milionya evrya, so mangla te phenel kay vazdipe e taksako pe akala sheya, Kosovo ano chon ovelola khuibe kota 4 milionya evrya,kova bershuno iklola 48 milionya evrya. Sar si pe Agencia kota Kosovaki statistika,naklo bersh kota Srbiya malya kota Srbiya ano kobaripe 450 milionya evrya, a pe srbyuno trego isito eksportimo e kobaripa kota 48 milionya evrya. Ani Bosna thay Hercegovina kosova ikala mali ano kobaripe kota 8,7milionya evrya,numay importimo mali ano kobaripe kota 81 milioni.

Ekonomikuno thay finansiake ekspertya vakerna kay pe chon decembro,ayeka kay kana Agencia vash kosovaki statistika publikinla indeks nota importime malyengo shay shayutno te angyol decisipe sar Kosovako raipe diklarkgya ano avipe kota inporti e malyengo kota akala duy thana,sar ano kosovako produkti thay pe agor ano konsumatorya. KosovaLive – Violeta Oroshi Berishaj