Sundalesko dive e Romana chibyako hramingyola pe yekto (angluni) ver ani Kosova

403

Suroa  vash hramipe 5-to Novembro-Sundalesko Dive e Romana Chibyako,Ministria vash  Skencia thay Teknologia kethane e  Komisionereske  Ofisea  vash Chib pashe Ofisi e Sheruneminstresko,adikerde truali mez e reprezentyenca kota romano komuniteti,aktivistya thay aver reprezentya e Kosovaka  Republikake.

-“Akaya isitoy yek  historikuna data vash savore romane komuniteteske.MASHT sakoya ver adikergya kulturo-artistikuno programi  vash hramipasko dive e romane komunitetske-8-to Aprilo,numay akaya ver  pe angluni ver organizingya ini truali mez vash 5-to Novembro-Sumdalesko Dive e Romana Chibyako.

Pakyava kay akava dive so may sig  te khuvel ani agenda e hramipaski vash ulavdo dive ano kalendari amare themesko”,vakergya  rayna.Juzele Shalyani,uci ofisionaluni ano MASHT.

-Pe  aver rig,Komisioneri vash Chib,r.Slavisha Mladenovic,

Bahtakargya romano komuniteti pe akava  ulavdo  dive,kote ini rodingya kota savore politikune reprezentya thay civilyuno amalipe,te phiragyol te garagyol olengi chib,ayeka sar kerde  ji akana.

-“Amen  simey ani yek   shukarni  kooperacia   e akterenca  kota  civilyuno  amalipe.Akana on rodinde kay Romani  Chib te khuvel ani Prizrenoski Komuna,sar chib ano tradicionaluno vastipe-ofisionaluno.Amen phikoingyam  akaya iniciativa,kote ini pakyava kay may sig  ayeka diso te realizingyol,ayeka  sar lelilo pe konsideripe ani  Gracanicaki Komuna”,vakergya Mladenovic.

-Yaverunoministri  kota MASHT,r.Artan Berisha,bahtakargya savore kotor leipe e romengo akava  historikuno dive thay kay phikoinla  sasavipeya ayeka aktitiviteti,vash te garaven nota vash   chibyako indetiteti.

 

-“Amen sar  MASHT phikoingyem savore aktivitetya  kova phangyola e edukipa.sar dela  garancia  ini Konstitucia e Kosovaki,sakoya diz isile hako te vakerel thay te edukingyol pe piri daki chib.Akava hako isile ini romano komuniteti,sar sakova dizuno amare  thanesko”,vakergya Berisha.

 

-Pe aver rig,sikavno e romana chibyako ani Prizrenoski Komuna,r.Nejip Menekshe,rodingya kay,romani chib sar  fakultativuno subyekti (predmet,lend) pe akaya komuna  te shrdingyol te praktikingyol ini ano aver komune.

-“Romani chib siklola ano Prizren. Sa vaht shay te kera nays amare aktivistetyenge,kola, prekal  arti garavde chib.Yek kota olenda, profesor r.Kuytim Pacaku,kote akale  dromea kustik pali kustik  lele ini aver aktivistya akava drom  prekal hramutne dramaturgya thay mediye.Romani chib resla progresi ano  amaro than.Pakyava  kay ini amaro mangipe ka inplementinel Prizrenosko Sombershipe, vash konsideripe e romana chibyako sar chib ano tradicionaluno vastipe-ofisionaluno”vakergya Menekshe.

 

 

 

– Orhan Butic kota organizacia”VORAE” vakergya vash barvalipe  e dialektesko kay isila romani chib.

 

– ‘’ Romani chib  vakergyola   ano buderi dialektya ano sa Sundal.Ini amen ani Kosova,vakera e buderi dialektyenca,numay  akava na isito varesavo problemi kay amen te la kan yek-avere. Akava  barvakarla amari chib,thay na  si shaipe te ovel coroli”,vakergya Butic.

 

– Pe aver rig,Emrah Cermyani,direktori e  organizaciako”Roma in Action” rodingya kota  relavantyune institucie  te phikoinen ini romani chib sar fakultativni chib ani Jakovaki Komuna.

– ‘’Romani  chib,sar fakultativuni chib adikerdili  ini  ani Jakovaki komuna,Ferizay thay Obilic.Numay,kota na masekune pokipesko,ayeka diso na sine .Roda kota relavantune institucie te phikoinen amende, ayeka sar phikoingya Prizrenoski komuna”, mashakaro aver potencingya Cermyani.

 

-Numay romano aktivisti kota Ferizay,Salih Yashari kergya nays  e prezentyune manushen thay rodingya  olenda,tena bistaren olengi chib.

– ‘’Romani chib isitoy prezentyuni ani  famila e Ferizayeski.Akava,sar kontributi e aktivistyengo  kola adikerde jivdi kota ver verutne aktivitetya thay hramipe.Numay akana  feri so isimen savore krisya  kola garantina tromalo vakeribe,odoya ver romani chib, shay te bahtakerel  akava dogripe sar savore aver komune”,vakergya Yashari.

– Akava   sine yekto(angluno)kedipe organizimo kota centralune institucie vash te hramingyol 5-to Novembro-Sundalesko Dive e Romana Chibyako.Pe 2009-to bersh Kroaciako Parlamenti lela pe konsideripe akaya data  sar festako  nacionaluno dive.

Pe 7-to Novembro 2015,Sarsakanutni  asambleya  kota UNESCO  lela pe konsideripe iniciativa e Krociaka Republikaki thay ofisionaluno janglarla 5-to Novembro sar Sundalesko Dive e Romana Chibyako.

Propozipe inplementisalo bizo niyek diskusia!