Aktualune Nevipya

Statuti "Trepca", pana yek achavipe ano phiravipe e dialogesko

  • 06/02/2019
  • By Romano Avazo
Share

Inplementipe e Statutesko “Trepca”, kota Kosovake deputetya,diklola kay may buderi kergya distanca Kosovo thay Srbiya, kota Bruksel thay dialog pe koleste may sig inistririnla Evropaki Uniya thay Yekhune Amerikake Rashtre. Phiravipe e dialogesko isito ultimatum e Srbiyako,vash achavipe e taksako kota 100% pedero inporti e srbyune malyengo,kova inplementingya kosovako raipe,numay sherunoministri e Kosovako Ramush Haradinay dela respodipe kay akava shay te ovel kana Srbiya penjarla Kosovo.

Ano rodlariipe kota andruno alosaripasko kompromisi andre raipyuni koalicia,vash te blokiringyol mahrumo dialogi ano Bruksel, diklola kay srbiya decisingya yek aver ultimatum. Pe ijuno arakhipe e britaniake ambasadorea ano Beograd Denis Kif,srbyuno presidento, Vucic vakergya kay achavipe ano diyalog shay te giricinel cidipe e taksako pedero srbyuno mali,provokativuno achavipe, savo isito Kris vash Statuti “Trepca” kana ini deklarishingya kay ovela ini vash “konfiskipe kota srbyuno than”.

Pedero “nevo ultimatum”Srbiya vash phiravipe e diyalogesko,reagingya ini phiravno e Socialdemokrativuna Kosovaka Partiako thay yek kota phiravno e negociaka Kosovaka ekipako vash dialog,Shpend Ahmeti,kova ano poro Facebook mashkaro sa hramingya kay Srbiya na ovla niyek ver te vastinel diyalog vash te mohinel Kosovaki Republika thay olako institucionaluno sovraniteti.

“ Vash akala sheya musay o Vucic thay aver te len janipe:Kosovaki Republika isitoy yek biumlavdi thay sovranyuno than,koya anla decisia ano demokrativuno servisi thay institucionaluni procedura.Vucic shay te gendinel so mangla vash Kosovo,numay olesko godinipe na sila ni yek krisyuno pharipe.

Odoleske isito nashalipe e vahtesko.Ayeka decisia shay te ruminen olesko plani.Numay, palem, odova na sito thay na si shaipe te ovel bilacipe vash Kosovo”, hramingya Ahmeti. Ov mashkaro sah vakergya kay Kosovo isito gatisarno vash diyalog thay kay savore mangle dokumentya isiton gatisarne pe akava konteksti thay akana achola e Srbiya te decisinel shay te ovel kotor e diyalogesko, pe koleste isito res vash alosaripe e puterde pucipyengo e Srbiya,sar isito penjaripe thay leipe pe konsideripe o them e Kosovaka Republikako.

Nenad Rikalo, kova sherunoministri e koosvako Ramush Haradinay angledo nesave dive mukla”tromalo “ministri vash phuvyake bukya,mashkaro aver vakergya kay Srbya ano Kosovo ka marenpe palem ini vash Gazivoda,Brezovica thay Kombinat”Trepca”. Direktori e Kancelariako vash Kosovo thay Metohiya,ano srbyuno Raipe Marko Juric, vakergya kay inplementimo Statuti isito na konsiderimo vash Srbiya.

Na ka la pe konsideripe ovipe akale krisesko.Amen na gndina kay shay te mekha menajipe amara bukya “Trepca”,dayk aver,kova pe lungipe e rakyune oryengo janglargya sar phiravno 80, numay 90,yase 100% kampanja, vakergya Dimkic.

Numay, ani “Trepca” isi goldenya, srma, thay aver,thay dengyola nota sah leipe kotor , kota rezerva isitoy mashkar 4 thay 5 ,milionya tonya,ji kay lignit mashkar 13 thay 15 miliyarde tonya. Numay,vash Statuti “Trepca”,reagingya ini Evropaki Uniya.Avazdeutni Maya Kociyancic, vash agenciya “Tanyug”, vakergya kay”Trepca”, shay te ovel kotor e diyalogesko mashkar Kosovo thay Srbiya. Sasaviepya, sherunoministri e Kosovako Ramush Haradinay,ani poro rafin Facebook, hramingya akava isito ispati kay Evropaki Uniya nashalgya “busula”.

“Deklaracia kota Avazdeutni e Evropaka Komisiaki Maya Kociyancic,dendi ano srbyune mediye,kay “Trepca”,shay te ovel kotor e diyalogesko,propozipe isito na manglo thay ayeka diso bilaqharla themutno Koosvako sovraniteti.”Trepca”, na sito puterdo lil mashkar Kosovo thay Srbiya thay ano niyek momenti Kosvoake dizune thay olake instituciye na ka len pe konsideripe kriirimi tema kola na siton klarune vash Kosvako ulavipe”,deklaringya Haradinay.

KosovaLive – Violeta Oroshi Berishaj

Radio Romano Avazo Vera Galush Pacaki