Aktualune Nevipya

Statistike e Viruseske ani Kosova

  • 10/04/2020
  • By Romano Avazo
Share

E datatar 13 Marti ji akana ani Kosova intektime si 224 persoyna, 37 e infektime manushendar sastile thay 6 olendar vash e bibaht yaverinde poro jivdipe. Kote e Malishevaki Komuna sitoy o yekto may qalavdi e virusea koya sila 66 suya konfirmime.

Phanlo akaleya Faik Hoti, jeno kotar e Ministria vash o Sastipe publikingya nesave statistike truyal o coronavirus ani Kosova. Hoti phengya kay ji pe data 8 Aprili 2020 vash o SARS-Cov-2 ani Kosova testisale 2570 manusha, jikay e may infektime jenengi kategoria astarla e manushen kole silen 20-29 thay 30-39 bersha.

  • 224 surya kola ikliste pozitiv (35 lendar kotar vrdloriguni Kosova: Mitrovica, Zvecan, Leposavic thay Zubin Potok)
  • Mule: 6 persoyna
  • Aktivne surya: 181
  • E meripasko nivelo: 2.6%
  • Kontaktime thay ano dikhipe: 3882 surya
  • May infektimi kategoria si o manusha kola si pe 20-29 thay 30-39 bersha.
  • Kategoria kola sinola may baro manglin vash Hostpitalesko tretiripe o manusha truyal 70 bershende.
  • O mursha si may qalavde desar o juvla, 54% mursha thay 46% juvla.
  • May qalavdi Komuna si e Malisheva, 66 surya.
  • Akale shifrenca e Kosova si andar o mashkaruno epidemiologikuno skenari vash COVID-19.

Ani aver rig e Kosovako Raipe lela nesave neve mase vash te achavol o buhlipe e virusesko, a o IKSHPK mangela kay sa o dizutne te beshen ano khera thay te adikeren e personaluni higiena.

 

 

 

 

Ministria vash o Sastipe gatisargya nevo orari vash o phiripe

O nevo phiripasko orari gatiserdilo saday vash trin komune, e Malisheva, e vrdloriguni komuna e Mitrovicaki thay e Zvecanaki komuna. Akala komune siton ani karantina thay saday e neve orarea si shaipe te achavgyol o buhlipe thay o bayripe e virusesko COVID-19.

Malishevaki Komuna- 14:00-06:00 (aqhavgyola e carkulacia)

Vrdloriguni Mitrovicaki Komuna- 12:00-06:00 (aqhavgyola e carkulacia)

Zvecanaki Komuna 12:00-06:00 (aqhavgyola e carkulacia)

“Rujina e Kosovake habitaten vash te shunen o instrukcie, e siguripaske autoriteten, o institucie thay te respektinen o mase kay lenape vash olengo jivdipasko brakhipe. Siyem khethane, ka ova triumfime te sine kay siyam te respektina akala deciziye”, phengyola ano Janglaripe e Ministriako vash o Sastipe.