Srbyuni Lista na sitoy certifikimi,dengyola pe janipe e rovlarin ani Centaruni Alosaripaski Komisia

310

Centraluni Alosaripaski Komisia e Kosovaki ini adive na certifikingya Srbyuni Lista vash kotor leipe ano avri renduno alosaripe koya isitoy planifikimi pe 19.mayo ani Nurduni Mitrovica,Zvecane,Zubin Potok,thay Leposavic,komune kota buderune srbya. Sebepi isito kay duy somjene kota Centraluni Alosaripaski Komisia kota Korkorodecisipe sine abstenipe.Numay,Adnan Rustemi thay Nazliye Bala, rodinde kay Srbyuni Lista te distancirinel kota cidipe vast e hramipa kota ex sheruno akala shtar komunake,pe novembro nakle bersheste,pe kolate lepargyola “Kosovo thay Metohiya”. Numay sherunoministri Ramush Haradinay, odoya ver deklaringya kay na lela pe konsideripe cidipe vast kota sheruno ani nurduni Kosova,feri so ano cidipe lilesko lepargyola “Kosovo thay Metohiya”, kova na sito konsiderimo. Pe lungipe divune kedipasko Centraluna Alosaripaska Komisiaki Adnan Rustemi,dengya propozipe kay ji akana e Srbyuni Lista na sitoy distancirimi e lilesta cidipe e sherune komunake kota shtar srbyune komune thay vastipe “Kosovo thay Metohiya”,akava rok te lungyargyol vash 24 orya.

Yek kota ultimatum isito te yaveringyon trin ji pe shtar kandidatya, kova ka khelol vash akaya funkciya ano avri rendune alosaripya pe 19.mayo. Vash yaveripe kota Srbyuni Lista,som jene kota Centraluni Alosaripaski komisia dende carboyako dudi kay ano avro renduno alosaripe ani nurduni Kosova te len kotor kandidatya vash sherune e komunake kota Kosovaki Demokrativuni Partiya thay Korkorodecisipe. Prekal Kris vash alosaripe,Srbyuni Lista isila hako kay vash 24 orya te del rovlarin e Komisiyake vash te ruyjinen thay rovlarin ani akaya decisia, koya anla konretyuno decispe shay isiton kandidatya leipe pe konsideripe yase isito manglo te dengyol proposal vash aver anava. E suroa kota adisuno decisipe e centraluna Alosaripaski Komisia reagingya pe direktori e kancelariako vash Kosovo thay Metohiya Marko Juric, deipe godinipe kay decisipe kota CAK-a srbyuna populaciake”achavde savore politikune hakaya”. Kota Peking,kote aktualuno araklola,reagingya ini srbyuno presidento Aleksandar Vucic, kova janglargya rovlarin Komisiake e Srbyuna Listake vash te ruyjinen thay rovlarin. Numay Aleksandar Vuqic, vakergya kay korkoro ajukerla “so ka vakeren ano Berlin 29.aprilea”,kote,sar vakergya Vuqic te informishinel ini Franciyake thay germanyuna kancelara. Pe lungipe e divune kedipasko sheruni e Centraluna Alosaripaski Komisa, Valdete Daka,deklaringya kay ofisi vash certifikipe e kandidatyengo vash sheruno kota shtar komune ani nurduni Kosova dengya poro rekomandipe.

KosovaLive – Violeta Oroshi Berishaj