So ovela e konkurseya kova butbuhlardilo vash o skolake direktoryencar ano Prizreno?

527

Konkusri vash o direktorya thay yeverunedirektorya e skolenko ano Prizreno, sikavna yekh qhaquni sfida e aktualune guvernipesko, phiravdo kotar e Vetëvendosje!, thay olake partnerencar ani koalicia: LDK,Nisma Socialdemokratyuni thay o partiye e komunitetyenge boshnyakya thay turkya, hraminla e “GazetaePrizrenit.net”.

Akana shay te vakergyola vash yekh maratikuno procesi vash alosaripe e skolake direktoryengo, kola sherdinde ano qhon mayo, nakhavipyea trin konkursya, kolendar duy nakhle thay akava o trindo pandar na si decizimo.

Na publikipe e rezultatyengo, akana kana nakhle nesave dive kotar o phanipe e procesesko e intervistyengo, pharekerla ini o deklaripya e lokalune autoritetyengo, leipe pe suro ini korkore e sherune Haskuka,  sar ini direktore vash Siklipe Skender Susuri kola dende lafi vash ashuripe naka si o lafi vash o proceso e alosaripesko.

Sar si pe na ofisiyalune truyalipya kotar o skole phengyola kay o aqipe pale ovela feri so pandar na si yekh dakordipe truyal o nava vash o direktorya kotar o “hisedarya” ano lokaluno guvernipe.

Buhlaripe e konkursesko anela ini yavera pharipya.Nesave dorektorya aktualune kola ka cidingyon, aqhona bizo norme, kana o procesi aqhilo thay na ulo ulavipe e oryango ano skole, kova sikavla pandar yekh pharipe ano olengo sistemi. /GazetaePrizrenit.net/