Sherdingya o Ponjto Edicia e Romane Filmesko Festivalesko Rolling Film Festival

378

Talo gitarake teylenge ritamya thay recitipe e poeziengo,o Rolingo phravgya o vudara e simpatizeryengo e filmesko thay artesko ano generalipe.
Moto akale ponjto ediciako si- “ o heroya thay o yaveripe”, ayekha sar ini potencingya o artistikuno direktori e festivalesko r.Sami Mustafa, ano solemyuno phravipe e festivalesko e Kinemako ABC.
“ Shhukar alen ano Rolingo-sko ponjto ediciya . Ani akaya ediciya angyam decisipe te vakera vash o heroya thay o yaveripya ispirime kotar amaro rahmetlia amal Kujtim Paçaku. Akale suroa akava ovipe amen dedikingyam oleske, sar ispiraciya amare ternenge vash te keren yaveripe ano umal e politikako, edukipe thay puqipe e migripesko”, phengya o Mustafa.
Ani yaver rig, o Avni Mustafa yekh e sherune organizatoryengo akale ovipesko citiringya o lafya e rahmetliske Paçako, kote oleske dengya ispiripe vash te phiravel o drom ini pe lugipe e ponjto ediciako e Rolingesko.
“ O Arti si sar yekh dikhavlin, kova sakova mangla te laqarel peste may buderi, vash te dikhlol may laqo”.
Ayekha ini amen o roma manglape upral e gili, filmi thay arti ano sasavipe, te reflektina o laqipe thay amaro moldipe.
Akala sine lafya e Paçakosko kova ispiringya mande vash te phiravav o drom pe lugipe e filmeska ediciyako”, phengya o Avnia.
O Denis Mustafa, menajeri e Rolingosko, ano solemuno phravipe mothavgya kay si te oven ini ver verutne ekspozite numay e filmestar.
“Numay e filmyengo kola si te performingyon, si te ovelamen ini ekspozita e pikturengo. Yekh, si te adikergyol ano Prishtinako Selikano Teatro thay yavera si kokurentuno ciklo, kova si te sikavgyol akate ano holi e ABC-ako”, phengya o Denis Mustafa.
O Solemnyuno phravipe ulo e filmeya ‘’TAIKON’’, kote vakergyola vash e hramtuni thay shukarpenjardi aktivista rom kotar e Suedia, Katarina Tiakon kotar Lawen Mohtadi thay rejisori Gallert Tamas.
O RFF-abersh si te sikavel 25 filmya e harne metrashengo tahy odova lugo ano Kino ABC thay Armata, vash trin dive rendoa kotar 13-16 novembro. Ano trinto dive si te ulavgyon ini todine vash o kategorie “cikoro”, vash may shukarne kreatorya kotar o qhavore, kote si te todingyol ini o may shukarno filmi.
D.G