Sar si pe Kosovaki Ministria vash Komunitetya thay Iranipe, ano kolektivuno centro thay privatyune ofisya momentalo jivdina 3.000 interno nashle manusha

362

Sar si pe informipe  kota ministri e Ministriako,Dalibor Yevtic, may baro gendo isito  decisimo ano shtar kolektivune centrya ani Shtrpcaki komuna thay kay ano anglo yevend ajukergyola  te alosargyol suro vash olengo strehipe.

Slobodan Stevanovic kota  e Shtimla  angledo 19 bersha   yaveringya beshipe ano “Lahor” yek kota shtar  kolektivune centrya ani komuna e Shtrpcaki. Vakerla kay ultimatum  vash jivdipe na sito idealuno, numay akava mangla te phenel, kay palo mekhipe pere kheresko,sasavipeya isile  krovi (kulmi) pedero shero.

“ Jivdipe isito  sar ano kolektivuno centro. Gndinava,kana manush nasile kote,kay vakergyola-na si shukarno,numay isi ini may phare. Akava isito korkoro kana manush   shay,kana nane kota,ini amen na sinemen kote,odoya ver alem akate thay ake 19 bersha ovena. Jivdipaske kondiciye nisave  shay te vakerav,dikhena ini korkore ini ofisi, thay soba,  odova isito sa purano.Akate jivdinava korkoro,jivdingyum ma da, thay dadea,on yaverinde jivdipe thay akana siyum korkoro”,vakergya Slobodan.

Zivkovic Dobrila kota Ferizay,pe  akava kolektivuno yaveripe jivdinla sar 2020.bersh.Roiba perela pe olaki  godi 1999.bersh thay  mekhipe  e diz.

“Kota o kher iklistem 1999. a akate  reslem 2002.bersh.Palo akava mo rom pe 2003.bersh slogirisalo. Gelo ji ano Ferizay, te dikhel o kher thay kana dikla odova so achilo e kheresta,sinole ini sheya kote sine kerla buti,thay kana dikla so achilo,palo odova slogirisalo. Pharo  isito akate o jivdipe,numay isi ini po phare.Maro anena,sheya palo sakova trin chona denamen. Te sine kay diso rumingyola kharaolen,avna thay lacharna”,vakergya Dobrila.

Slobodan thay  Dobrila isilen uzdaya kay so po sig te jivdinen ano po shukarne jivdipaske kondiciye,ani Brezovica,kote isiton ini pe agor e agoripaske o bukhya.

Shay ovla sine po shuka,sasavipeya isito nevo ofisi.Saren isimen  uzdaya ano so may shukarno,numay sar ka ovel,ka dikha”,vakergya Slobodan.

Pana na jana  kana ka ja ano nevo kher,numay pakya kay jivdipaske kondiciye te oven  so may shukarne se kay isiton akate”, vakergya palem e  Dobrila.

Yevtic isito siguripa numay pakyala kay vash nesave chona interno nashle manusha te ovelolen  neve khera.

“Vazdipe akale kherengo isito pe agor. Ajukera kay pe anglo yevend sasavipeya da o nahtarya familiyenge  kola shay te len  neve khera. Manga kana o familiye ovna neve khereya te ovelolen maksimaluno shukarne jivdipaske kondiciye,thay te ovel  shuka agorimo.Numay,na dava pana  cacutni data, feri so rok isito angloyevend,numay ajukera te ovel  agor pe chon oktobro”,vakergya Yevtic.

Maja Mladenović

RTV Herc- Šrtpce