Adisune diveste, o RTNM kotar o Prizren prekal piri ofisialuni qham e Facebook’eski, informingya pere dikhavnen kay pe 07 Aprilo, vash mashkarselikano dive e Romane komunitetesko, angluni ver ani piri historiya, ka performinel yek nacionaluni komedia kotar o autori Reay Cooney.

E performanca khardi “Prasta pali tiri juvli” gatisargyola kotar o artistya e Romane Teatroske “Nexhip Menekshe” kolaki rejia gatisarela o penjarutno rejiseri kotar Turkyuno komuniteti o r.Deniz Dadale.

“Prasta pali tiri juvli” isitoy duyto performanca kolaha o Romano Teatro “Nejip Menekshe” hraminela historia e duy performancyencar ano yek bersh, kote pe naklo qhon akava teatro lansiringya prekal pere socialune platforme ini e performanca khardi “Angloaqhav” kolaha lela yek baro gendo e dikhavnengo ano Facebook thay Youtube.