Reintegraciako procesi rodela regionaluni thay mashkarthemutni kooperacia

337

Iranipe kota 110 Kosovake themutne kota siriyako mareba,mashkar olende 32 juvla thay 74 chavore pana isitoy divuni tema vash kosovaki publika. Mediye transferinde kay ani akaya grupa araklona ini shtar personya kola direktipa lele kotor ano siriyako mareba thay kay Specialuni prokuroria angya decisia phanipe vash 48 orya. Sasavipeya,shrdingya rodlaripe mamuy 32 juvla,kola aktualuno araklona ano tromalipe,a Sul Hoja kota Specialuni Kosovaki prokuroria,konfirmingya kay on pe angleder sine pe rodlaripe,kola ano mashkarovahti sine suspendime feri so bipakyavne na sine ani dispozicia.

Rashit Celay,Generaluno direktori e Kosovaka Policiyako deklaringya kay po buderi se 300 koosvake dizune ano agorutne shov-efta bersha lena kotor ano mareba ani Siria thay Irak,a kay 70 olenda nashalde jivdipe. Numay, ani Siriya araklona may hari 100 Kosovake themutne,mashkarolende sar si pe informacia kota Koosvaki Policiya,araklona 49 juvla thay ohto chavore. Ano 2015 bersh,kosovako Sombershipe inplementingya yek kris,kote personya kola lele kotor ano mareba avri kosovata,shay te akuzingyon ji pe 15 bersha zendana. Adive Specialuno prokurori Hoja deklaringya vash onlin gazeta”Exspress” kay andili decisia vash inja chavore kola reste ani Prishtina bizo dat-day, te oven ano socialune centya vash chavore,numay sasavipeya khardile olenge pashutne kola shay te len olen. Abelard Tahiri dengya lafi kay riirande kota siriyako mareba, kola jivdinde trauma,te len traytipe thay te integringyon ano kosovako amalipe. “Reslem te cida juvlen thay chavoren kota konflikteski zona. Juvla thay chavore meritina rehabilitacia,a chavorengo than isito ani skola. Sinelen pharo traumatikuno periodi”deklaringya Tahiri.

Numay,Kosovako presidento Hashim Thaqi, ani piri rafin ano Facebook hramingya kay isito but vasno profesionaluno tretmani vash riirande kota Siriya. Sherunoministri e kosovako Ramush Haradinay adive vakergya nays vash kosovake institucie thay Amerikako Raipe phando e riirande kosovake themutne kota siriyako mareba,numay angledo nesave dive deklaringya pucipe vash juvlano suro kola na biyande chavoren vash pere murshenge. “Dayek ver na jana kasa isilen chavoren akala juvla.On shay te oven chavore e komandateske ISIS”,deklaringya Haradinay vash Deyli Beast. (Daily Beast). Ini Behjet Pacoli ano poro Tviter hramingya nays AYR-ashtre vash azhutipe numay iranipe e Koosvake dizutnenge kota Siriya thay vakergya kay prekal olende “ka diklargyol kris”. Sar si pe ofisionalune,sar pe shrd e konflitesko ani Siriya,isi pakyavipe kay truyal 400 Kosovake dizune isiton phande ano konflikti mashkarutno Istok. Buderi desar ano mashkarovahti irandilo,numay 50 olenda lele kotor ano mareba pe akava kotor e sundalesko. KosovaLive- Violeta Oroshi Berishaj