Lil kova sherunoministri e Kosovako Ramush Haradinay bichalgya thanutne reprezentyenge KVINT-thay EU,pe kolate achavipe e taksako ano inporti e srbyune thay bosnako mali dengya kriteriyum vash adikeripe e mashkarthemutna konferenciyako, pe kolate shay te reslol sa leipe kotor ledeipe e Srbiya vash reciprociteti duy thanengo,numay ini thovde ultimatum kova shay te anglodiklargyol yek ayeka Konferenca,thay pe aver rig propozipe e parlamentarune presidentesko Kadri Veseli, kay e taksa shay te suspendingyol pe 120 dive, ayeka te dengyol shansa vash phiravipe e diyalogesko e Srbiya,ani publikuni Kosova interprentingyola sar yek shayutno ulavipe kota raipyuni koalicia.

Kadri Veseli ano intervyu vash Radio Dukajini, vakergya kay Raipe shay te perel odoya ver te sine kay Haradinay korkoro peste pelarla,numay vakergya kay oleski partia dela mandati te sine kay ushkavgyola strategiya e Kosovake themeski, partneriteti e yekhune Amerika Rashtrenca, thay te sine kay o than na phirla angle.

Odova so may buderi rodava kota Haradinay isito kay may buderi te fokusiringyol ani ekonomikuni reforma thay te ovel may buderi dikhat e Yekhune Amerikake Rashtrenca thay aver partnerenca. Na sito suro te khela partneriteteya kota Yekhune Amerikake Rashtre vakergya Veseli.

Odova so may buderi rodava kota Haradinay isito kay may buderi te fokusiringyol ani ekonomikuni reforma thay te ovel may buderi dikhat e Yekhune Amerikake Rashtrenca thay aver partnerenca. Na sito suro te khela partneriteteya kota Yekhune Amerikake Rashtre vakergya Veseli.

Pe aver rig,ministri kota Demokrativuni Kosovaki Partia Haydar Beca, diklarla kay propozipe kota Veseli vash suspenziya e taksaki vash 120 dive isitoy lachi idea.

Pakyava kay ka araklol kethanipe,numay gndinava kay interesi kota them shay te thogyol pe yekto than,vakergya Beca vash divuni cham Zeri.

Pal Lekay ministry vash infranstruktura thay yek kota talosheruno e Aleancako vash Kosovako Avutnipe,vakergya kay avlole bilacipe vash sah odova kola gndina kay insistiripe e Haradinesko kay takse ano inporti srbyune thay bosnako mali achona ano zoralipe,shay te anen bilacipe e partneresko Kosovo thay Yekhune Amerike Rashtre.

Bedri Hamza vakergya kay Raipe,sasavipeya pi aktualuni situacia ani politikuni Kosovaki skena,ka phiragyol para bukhya. Na ajukerava sigate te ovel potezi ano yaveripe e situaciako,yase harno rok e situaciako.Numay, ani politika ni yek ver na jangyola. Koba siyum informimo(sima informacia)na sitoy loki situacia,numay gndinava kay amen shay te phirava e bukya,vakergya Hamza vash televizia Klan Kosovo.

Politologi Ramush Tahiri, dengya nota va sherunoministri Haradinay yase Veseli te cidingyon kota poro propozipe,ulavipe so odova rodela Yekhuni Amerikaki Rashtra.

Ayeka diso gndinla ini advokati thay politikuno analisti Dastid Palaska, kova vash emisiya Pressing ani televiziya T7 vakergya kay presidento Thaqi thay sherunoministri Haradinay pe sakova thavd on mangna pedero politikuno jivdipe.

Avdula Hoti vakergya kay Raipe Haradinay shay te pelargyol,feri so na jangya te dogrinel thanea sar manglape. Numay,ov khargya Raipe te lel kan som godinipe kota Amerikake Yekhune Rashtre vash cidipe e taksako ano inporti kota srbyuno thay bosnako mali.

Sar si pe sherune kosovake mediye, ano palo mesmer zabade oryengo, ajukergyola kedipe mashkar sherunoministri Ramush Hardinay,sheruno e parlamentesko Kadri Veseli,Fatmir Limay, yaveruno e sheruneministresko thay phiravno vash vakeripe e Srbiya thay Behjet Pacoli lideri e Aleansako vash nevo Kosovo,prekal yekhune mediye, shay te pashakaren poro stavi phande kota rodlaripe e Yekhune Amerike Rashtre vash takse,numay te sine kay na si shaipe vash akava,na ka ciden ini adikeripe vash anglovahtyune alosaripya.

KosovaLive – Violeta Oroshi Berishaj

Vash Radio Avazo -Vera Galush Pacaku