Amerikako thay britaniyako ambasadori ani Kosova Filip Kosnet thay Ruri O'Konel vash yek harno vahti  adikergyona na shukarne vash tromalipe  sebepi vash akutualuno Raipe,ulavipe kana isito pucipe anavipe  ano uco niveli na kvalifilime personya  yase odola kola vash yek sebepi  sine akuzime numay bidoshale.

Ijune diveste ambasada Yekhune Amerikake Rashtre ani Prishtina ani piri deklaraciya,vakergya  kay mashkar anavime  personya ano uco niveli ano Kosovako raipe isiton odola  kola isiton akuzime vash krim mareba.

Ano akava konteksti ambasada khargya kosovake phiravne  te achaven akava trend thay vakerde  kay olengo alosaripe“diklola kay laqharla politikuni res ano harno roki,a  na legitimuno mangipe e kosovake dizutnengo yase themutno kredibiliteti“,vakergyola ani deklaraciya.

Amerikako ambasadori ani Prishtina Filip Kosnet reagingya  pe agor e  nakle chonesko ano hramipe kota nesave mediye kola khardile ano pakyavne haniga ayeka kay Kosovako raipe anavingya Syleyman Selimi vash  Kosovake ambasadore ani Albaniya,numay ano olesko anavipe vash politikuno  godideuno ano kabineti Ramush Haradinay.

Ano decisipe vash anavipe kota Selimi reagingya  ini yek kotor  kota kosovake analiticarya, ternengi iniciyativa  vash manushikane hakaya ini Bekim Blakay,direktori e   Fondeska kancelariyko vash humanitaruno hako ani Kosova.

Ano nesave reagipya kota civilyuno amalipe, Haradinay  dengya respodipe kay“Selimi  na sile nisavo obligipe yase na sile nisavo borji  vash dogripe“, thay ovela buti vash personi kole“savore but respektina“.

KosovaLive- Violeta Oroshi Berishaj