Prizrenosko hospitali kota aqhavipe e specialune saslarnengo

380

Ji kay hospitali ani Kosova isitoy  pe mamuy aqhavipa kota specialune saslarne,mashkar 150 specialistya ision bizo buti ani Kosova,raportinla “Zëri.info”.

Direktori ano Universitaruno Klinikako  Centro ani Kosova sar ini direktori e hospitalengo  vakergya  vash “Zëri”kay kerde  rodlaripe  vash butikeripe  kota buderi specialistya ano Publikuno Sastipe ani Kosova.

Yek ayeka rodlaripe kergya ini direktori e Hospitalesko ano Prizren.

Ofisionaluno vash  informipe  ano  hospitali,Shefayet Berisha vakergya vash “Zëri.info”kay kergya  rodlaripe vash butikeripe  kota inja terne specialistya.

Sar si  pe  Berisha,ni yek Emergentyuni Klinika kota gendo e specialune saslarnengo na sito  bashutno.

Pe data 18.09.2018 kergyem rodlaripe kota inja terne specialistya  vash duy svere:duy specialistya ani emerjenca,duy specialistya vash kardiologiya,yek ortopedi,yek spcialisti kota hematologia,yek urologi,yek specialist nefrolog,thay yek specialist fiziater,vakergya ov.

Na butikeripe kota o  specialistya bizo buti,isito konsiderimo sar yek mashakar sebepi te truminel akava agorutno te roden buti avri thanesta.

Sar si  pe  somjene kota Komisia vash Sastipe isito na shukarno,feri so sar on vakerna,Kosova but sig shay te ovelola  baro  achavipe kota saslarne  specialistya.