Prizrenoski Komuna shrdinlla te ulavel habepiibe sakova dive

233

Ji akana sar khuvgyam ani situacia e pandemiaki e Prizrenoski komuna ulavgya pashe 2500 paketya e higienake thay habeppibaske produktyencar. On resle ano sah odola familie kolengi ekonomikuni pozicia qalavdili thay khugya ani kriza.

May laqo informipe si kay akanatar e Prizrenoski Komuna ano partneriteto e organizacia “Jetimat e Ballkanit” ka ulaven 1.000 hashya, yekhe laqe menueya vash o iftari. Ano akava gendo e hashyengo e Prizrenoski Komuna ka financirinel 500 hashya ano dive thay ano sah o qhon 15.000.

Akala habepiibya si te ulavgyon e familienge kola nasilen shukarne jivdipaske kondicie, e sastipaske personeleske sar ano Prizrenosko Regionalno Hospitali, QKMF-eske personeleske, ambulancake personeleske, e personeleske kay aqhavna o yaga, butikerutnenge ano publikune kompanie vash o shuzhipe sar “Eko Regjioni” thay e manushenge kola kerna buti ano organizacie vay amalipya vash nasaste persoyna.

Akava infromipe dela korkoro o sheruno e Prizrenesko mashkar yekh video, pe agor ov kerla naysipe e organizacia “Jetimat e Ballkanit” lenge stafeske thay pere stafeske sar Prizreneski Komuna.

Akaleye ov phenlla kay resle tek anen hari losh akale familienge thay ovipa khetane ka nakhavgyol akaya situacia kerindoy te ova may zorale thay te ovelmen yepkhipe.