Politikune partiye mamuy tehnikuno Raipe yase nevo mandati

311

Pe angleder se kay lela drom ano Hag, kote ka ovel interwyu  kota  Speciayaluno kris  e  Kosovako vash  krim mareba,sherunoministri e kosovako Ramush Haradinay prekal poro Facebook deklaringya kay Kosovo  isito gatisarno vash diyalog e Srbiya, ayeka kote shay te reslol  agorutno ledeipe,numay kay e taksa ano inporti e srbyune maleyengo te achol ano zoralipe ji kay Srbiya na penjarla e Kosova.

“Kosovo isito gatisarno te phiravel diyalog e Srbiya  vash res e agorutne lekanipasko,obligativuno, leipe pe dikhipe ini  penjaripe ano  yaraliye thana.Numay,amen  korkoro  vakera ano trego vash penjaripe.Isito vahti  vash  garavipe, amaro hako,ij, adive, thay savaht ka garava”,  hramingya Haradinay.

Haradinay formaluno dengya cidipe vast ano kosovako Sombershipe, ji kay reprezentya e parlamentaruna partiyake insistirina kay Kosovako presidento  Hashim Thaqi  so may sig te ulavel data vash adikeripe avrirenduno alosaripe,kosovake analiticarya  dikhena  kay ji akana vash akava pucipe o Thaqi na  dela  respondipe.

“Hashim Thaqi  rodela   te formirinel Raipe  ayeka kote shay  te duryargyol  achavipe vash te phiragyol dialog e Sbiya-taksa  koya dengya sherunoministri pe duryaripe Ramush Hayradinay”,citinla “Gazeta Blic” ani piri  anonimuni  hanig.

Pe akava konteksti  Gazeta Blic  dela  pe  janipe  kay akaya variyanta   isitoy  shukarni ini Kadri Veseleske,numay  kay   oleski  partiya   ani  sa  anketa na registrinla shukarne rezultate.

 

Duy sherune opoziciune partie,ajukerna kay presidento Thaqi te ulavel data  vash adikeripe e vash avrorenduno alosaripe,frdipe sakoya variyanta  koya pe agorutne dive lepargyola ano publikipe,leipe pe dikhipe vash tehnikuno raipe yase  anavipe e mandatesko vash formiripe neve raipesko.

Pe aver rig,Vyosa  Osmani deklaringya vash “Gazeta Blic”,kay olako stavi kota olaki partia  isiton  klarune   thay kay  kriiripe yeke teknikune raipesko  shay te ovel ziani  vash Kosovo.

“Kosovaki   Demokrativuni  Aleanca dengya klaruno ano janipe kay na ka khuvel  ani tehnukuno Raipe. Akava shay te ovel ano interesi  e presidentesko thay PDK-partiyake,numay na ano interesi e Kosovako.Mangipe e populaciako isito  odova kote shay te ulavel nevo Raipe prekal alosaripe”, vakergya Osmani.

Yekhuno stavi  dengya ini  Socialdemokrativuni Partia kota Shpend Ahmeti.

Korkorodecispe ani konferenca vash stampa  dengya pe janipe kay na ka lel kotor ano varesavo kedipe kote shay te diskutingyol  vash mandati  numay vash  nevo Raipe.

Glauk Konjufca,kota Korkorodecisipe vakergya  kay pe naklo kurko ka kharel avrorenduno kedipe. Ov vakergya kay  sherunoministri ano duryaripe na ovla  te anel varesavo decisipe  ini kay ji  pe  alosaripe  shay te  ovelole piri funkciya.

Pe aver rig Muharem Nitay ani deklaraciya vash “Gazeta Ekspres”  vakergya  kay akaya partiya  na lela pe konsideripe varesavo  tehnikuno raipe  thay aver “ improvizaciya”.

“Than shay te jal ano alosaripe thay sakova aver  duryaripe  vash res   shay te anel akava than ani politikuni kriza”,vakergya Nitay.

Bilyal Sherifi,shefi parlamentaruna grupako Social demokrativuna iniciyativako,koya lela kotor ano raipyuni koalicia   dikhela kay na si  manglo  te ovel diso nevo  vash tehnikuno Raipe.

Mushkolay  pe akava konteksi pelargya pe godi kay amerikako ambasadori Filip Kosnet, ji akana na reagingya vash cidipe vast kota Haradinay,numay  odoleske dengya pe  janipe vasnipe  vash phiravipe e diyalogesko,thay kay phiravipe e diyalogesko  isito may vasno  vash Evropaki Uniya  thay mashkarselikano kethanipe  se kay isiton adikeripya  vash avrorenduno parlamentaruno  alosaripe.

KosovaLive- Violeta Oroshi Berishaj