Phiravne rodena “kreativuno” alosaripe vash phiravipe e diyalogesko

363

Kosovako   presidento   Hashim  Thaqi, vash   “Amerikao Avazo” deklaringya  kay shay te araklol  kreativuno alosaripe   ayeka kay  diyalog  ano Bruksel mashkar  Koosvo  thay  Srbiya   te phiragyol,pelaripe  pe  godi  kay  kosovako  raipe  diklarla e taksa  kota 100% ano srbyuno mali,a pe aver  rig, Srbiya  rodela  kay o takse  te achagyon  ayeka kay diyalog  shay te phiragyol. Numay,  deklaringya   kay  kota    ekzekutivune Kosovake   autoritetya  ajukerla  aktiviteti sah  leipe kotor e interesesko, lokalno interesi,numay  ini  interesi   kota strategiyaki investiciya, Yekhune Amerikake Rashtre, Evropaki Uniya,NATO”.

Vash te ovelamen suksesi nay ova korkore, ano sakova procesi. Yek isitoy Amerika,na si pobuderi. Amen kethane  simey  vash tromalipe  thay biumlavipe thay  Yekhune Amerikake Rashtre  phikoingya amende  vash  themelipe e askeriyako. Shay te ovelamen pe dikhipe   kay avutne  aktiviteya  ovna koordinipe mashkar  thanutne instituciye,ini kay  raipyune  instituciye  ulagyona,numay may buderi shay te dikha ano  strategiyako interesi  a na  divuno politikuno interesi”, deklaringya Thaqi.

Sherunoministri e Kosovako Ramush  Haradinay, pe  lungipe  ijune divesko deklaringya,  kay decisia vash o takse ano inporti e srbyune malyengo   ka  achol  ani  forca, numay ministri vash infrastruktura Pal Lekay,  vakergya   kay   na  sito manglo kay dialog  te ovelole kriteriyum  kota   anulipe  e  yeka taksako.

“Amen simey  konstruktivune  ini kay Srbiya  na imlementingya ni yek lekanipe.Simey prezentyune  ano diyalog,   sasavipeya  kota ushkavipe e lekanipasko.  Na ka suspendina takse, thay angyem decisipe  te sine kay manglape  te ja ano alosaripe,numay taksa  shay te achol. Raipe Haradinay  na yaverinla godinipe”,deklaringya  Lekay  ani  emisiya”Interaktiv” ani  Kohavision.

Ini kay  sheruno e raipyuna koaliciayako  ji  pe   ijune diveste sinole buhlo phikodeipe kota koaliciake partnerya, vash decisia e taksaki ano inporti e srbyune thay bosnako mali,diklola  kay  resto ji  pe yaveripe.May  angleder   phiravno e  demokrativuna Kosovaka Partiako Kadri Veseli, propozingya  kay o takse te suspendingyon ano 120 dive,thay pe akava  periodi Srbiya shay te pherel sa resto ledeipe kova sine ano Bruksel,feri so pe aver rig  shay palem te oven.Akaya ideya ijune diveste propozingya  phiravno  e Sociyaldemokrativuna iniciyativako  vash  negociaki ekipa vash diyalog    e Srbiya, Shpend Ahmeti, kova deklaringya  shay  te  da  shansa e   diyalogeske.

“Taksa isitoy  dogryuni,numay na sito  manglo  kay  o  Haradinay  te  araklol korkoro akale pucipa,manglape koordinipe ,ini te  sine kay angyola decisipe(vash suspendipe e taksako) angyola kethane”,deklaringya Ahmeti.

“Pe  yekhuni pozicia achola ini phiravno    kota negociaki ekipa e Srbiya,Fatmir Limay,kova diklarla kay decisia vash taksa shay te achol ani forca.Vash Televizi T7, ov deklaringya  kay ano vakeripe  pe kolate sine prezentyuno,reprezentya kota AmerikaKi Yekhuni Rashtra na  rodinde   direktipa  achavipe   e decispasko  vash phiarvipe e taksako  pedero srbyuno thay bosnako mali.

“Siyem pe dikhipe sa so shay te ovel.Taksa  resla efekti.Ini  kay e taksa achagyola,me sim pherdo pakyavipa kay Srbiya niyek ver na ka treterinel Kosovo sar pe angleder. Srbyuno mali na ka lel than kova pe angleder sinola.Akana e taksa na manglape te achava.  Sar tu ka  adikeretu  upral mande  ayeka ini me ka  adikerape”, deklaringya Limay.

Uci reprezenta Evropaka Uniyaki ano Kosovo-srbyuno diyalog ano  Bruksel,Federika Mogerini, ini pe ijuno dive khargya kosovake reprezentyen, te ciden decisia e taksaki ano inporti e srbyune malyengo,ayeka kay diyalog shay te phiragyol.Oy vakergya  so may sig,kota  savore puterde  pucipya   shay te  reslol sah leipekotor  o lekanipe mashkar  Kosovo thay Srbiya  vash te ja  anglipa  prekal Evropaki Uniya.

Mogerini  telefoneya vakergya  e Srbyune presidentoa Alekasandar Vucic, kova palem vakergya vash gatiseripe  vash diyalog kova shay te phiragyol” yek dogryuno alosaripe  thay resipesko” ,te sine kay  kriiringyola manglo  ultimatum,numay achavipe e taksako pedero srbyuno mali ,thay kana  achagyola provokaciya,sar  isito inplementipe e Statutesko “Trepca”.

KosovaLive – Violeta Oroshi Berishaj

Radio  Romano  Avazo  Vera  Galush Pacaki