PDK ano “qarkoloryuni umal”,savore aver ani rezerva!?

348

Ano ijuno   sombershipasko kedipe,andili decisiya kay pe 22.avgusto  te kedingyon deputetya  te votinen vash parlamentaruno mekipe,pe koleste achola te ulagyol data vash adikeripe anglovahtyune parlamentarune alosaripya.

Nesave kota kosovake analiticarya gndina kay pana isitoy  ani opsiya e kriiripaski vash teknikuno raipe kote shay te  nashen kota alosaripe,vash koleske isile may buderi interesipe presidento  Hashim Thaqi.Pe akava konteksti pakyana  kay Thaqi  pashakargya may bara opozitaruna partiake te ovel kotor   e raipesko.

Numay,phiravno Demokrativuna Kosovaka Aleancako isa Mustafa, ayeka shayipe frdingya,kote deklaringya kay  o Raipe na ovla te resel  pe ayeka  serevisi,feri so isito vasno kay pe kedipe 22.avgustea oven prezentyune savore deputeya,ayeka kay sombershipe  mekla kota  2/3  pere vote.

“Alosaripya  organizingyona  vash te meklol e dizutnenge tromalipe numay   mangipe,a na vash inati yeke yavereske.Ma   deni pharipe e dizutnenge,numay te kharaolen  te oven gatisarne vash  alosaripe ano septembro”,hramingya Mustafa ani piri rafin Facebook.

Numay politikune partiye phiravna  e para kalkulacia  pe koleste politikune subyektya  shay  khuvna ano angloaloasripaski koalicia.

Ayeka Lumir Abdijiku,ani emisiya Pressing  vash  televiziya T7 deklaringya kay oleski partia preferinla te jal korkori ano alosaripya,numay tena  khuvel ano angloalosaripaske koaliciye.Ayeka diso deklaringya ini talosheruno akala partiako Lutfi Haziri.

Kosovaki Demokrativuni Aleanca ka khuvel  korkori ano alosaripe,naturaluno e opoziciona partiyenca,sar sito Korkorodecisipe thay Socialdemokrativuni Kosovaki partia,loke shay te  pashara bari koalicia vash vijaipe,deklaringya Haziri vash “Gazeta Expres”.

Ini Socialdemokrativuni  Iniciativa preferinla kay  korkori te  iklol ano alosaripe. Generaluno sekretari  akala partiako  Bilal Sherifi deklaringya  kay oleski partia na ka khuvel ano angloalosaripaski  koalicia e Demokrativuna Kosovaka Partia thay Korkorodecispe.

“Hojay  vakergya  kay pakyala  kay oleski partia  ka  vijaienel ano angloalosaripaske parlamentarune alosaripya feri so anglovahtyuno  rodlaripe  na  ovna shayutne  pe divuno alosaripe.

Numay,Ilir Deda  pakyala kay  may shuka isito  kay opozicia te kerel ketanyuni alosaripaski  lista.

“Savore  kola  na  sinelen  shaipe  te   kandidingyon   te  oven  olengo  kotor,savore opozicione politikune partie  te oven kethane  vash yek kandidati vash  sherunominstri te prezentinen 100 anava  ani  lista  e anavenca vash potencialune  ministrya. Odoya ketanyuni  lista  lena 50  procentya e votyenge kova sine ovla shukarno  vash sombershipe”deklaringya  Deda ani emeisiya INFO magazin ani televiziya Klan Kosovo.

Politikuno analisti kova analizingya alosaripya Dushan Yanjic, vakergya kay Kosovako Presidento Hashm Thaqi, nashalgya may buderi   e propozipa  vash samatranda e Srbiya,a kay may buderi  vijaingya  sherunoministri  pe duryaripe Ramush  Haradinay sebepi decisipasko vash tarifa  ano inporti e srbyune malyengo.

“Korkoro pucipe isito ko ka vijainel ano alosaripya”deklaringya Yanjic vash Kosovo online.

 

KosovaLive – Violeta Oroshi Berishaj