Sar meklile thay lokhile o mase vash nesave aktivitetya, araklile neve surya e COVID-19 kola bayrarena o riziko vash te pharyoll thay buhlol o virusi ano neve thana.

Kava rezultinela vash o sebepi kay na adikergyona o maske thay na qhivgyona o vastalina.

Baziripa pe akava, Nacionaluno Instituti e Sastipasko thay e Ministria vash o Sastipe rekomandinena rigorozipa te respekninen o garavipaske.

Keraya apeli e sah habitatyenge, biznesyenge, gasstronomiake, kay ano zorale forme thay rigozoryune te respektinen e fizikuni distance, vastipe e maskengo, dezinfektipe e thanengo/lokalyengo kote akalea kay angloaqakeren o eventualuno buhlipe e infeksionensko.

Sanitaryune inspektoratya e AUV thay komunake inspektoratya musay si te implementinen vay te funksionishinen respektipa o krisya vash o inspektorati thay o krisi vash o angloaqhavipe e nasvalipyengo thay te lenpe mase te sine kay daykho na respektinla o rekomandipya e Nacionaluno Instituteske.

Sakova ushkaripa e rregulipyengo si te konsideringyol sar rizikipe e averengo sastipe thay jivdipe.

Nikho na silen hako kay narespektipa o rekomandipya te rizikinen o sastipe pere pashutnengo, phuryengo thay e pesounengo kola silen kronikyune nasvalipya.

Sakova bajako kova kera anglal akharla o riziko peya jikay o virusi pandar si mashkar amende.

Te garava akaya situacia gndipa kay shay te ovelamen may phari epidemiologikuni situacia se o aver sumdaleske rashtre.

Lugyareni adikeripa fizikuni distance thay adikaripa o maske!