Aktualune Nevipya

Ovena 22 bersha e Yasharengo heroikuno mursh e meripasko, adive shrdela e Epopeya

  • 05/03/2020
  • By Romano Avazo
Share

Angleder 22 bersha e Serbia kriiringya yekh bari grupa kola  reste ani Drenica, koncetrimi ano Prekazi e Yasharengo. Odova ovipe, pe  shrd e chonesko Marso ano bersh 1998 achilo sar jivdo argumenti vash o dizune, kotorleutne, politikune thay diplomatikune subyektya. Akava ovipe, kova sinele zorale mase vash o unikalno korkoro sakrifipe, e maripasko thay  masakra koya azdingya e Kosovaki buti ano shero e Sumdaleska agendako. Ayekha pe data 4 thay 5 marto e bershesko 1998, o Prekazi  sine  ano truyal kotar e srbiake soldatyengo thay policiake  force.

Pe data 5 marto ovena 22 bersha e legendarune komandateske meripasko, Adem Yashari thay oleski bari familia.Akava meripe sakova bersh ovela may ushardo ani historia amare thaneski. Ma te bistra kay kota olengo yaveripe e jivdipasko e Kosova triumfingya e dar koya putergya e mestipaske droma…  Vash akava sebepi ano Prekazi, ani mahala e Yasharengi vazdisalo o may baro monumenti e marebasko, mestipasko, biumvlavdipe thay demokrativuno.  Akala 3 dive e sah godi e albanyengi site ovel ano legendaruno Prekazi, kova shel bershencar dengya e Kosovake triumfya.

E bershesta 1991 ji 1998, Prekazi thay Drenica sine truyalime e policiake forcenda. kote res sine o mudaripe e Kosovake mestipaska askeriako/armatako komandanti, Adem Yashari thay oleski familiya, vash te achaven o rezistipe olenga familiako thay sa e albanyengo.

O yekto truyal  sine pe data 30 Decembro 1991. A o duyto sine ano chon Yanuaro e bershesko 1998. Kote pe data 22 akale choneski, ano akava harno mareba mashkar e familiya Yashari thay srbiake force o foshne thay o juvla e familiake reste te rezistinen. Akava harno mareba sine 30 minutya kote achile yaraliye o chaya Iliriana, e Rifat Jashareski chay thay e Selveta e Hamze Yashareski chay. Palo akava sine baro solidarizipe kotar o amala thay familia e Yasharengi. O jene kola ale vash solidarizipe mangle kay o juvla te iklon odotar vash o brutaliteti e odole rejimesko. Numay on phende “te sine kay mudargyona o mursha na manglape ni amen te jivdina”. Thay ande deciziya vash te beshen, te mothaven e Sumdaleske kay o albayna na jana kota  piri phuv thay aver  kheresta.

O trito truyalipe kova ulo pe  5, 6, thay 7 marso 1998, lela o jivdipe e 55 manushengo ano Prekazi, 22 olendar sine may pashune e Adem Yashareske. Ano akava mareba achile jivde numay o Bashkimi, e Rifatesko chavo thay e Besarta, e Hamzaski chay koya dikla o bilache skene kote murdardili olake  pashe familiyarune  jene.

E historia e Yasharenga familiaki thay olake eksponatya siton ano Muzeo e Epopeyako e UCK-eski/Kosovaka mestipaska askeriako.

Ano 22 bersha e heroikune meripasko e legendarune komandandesko thay leska familiako, e shehityenge thay sa odole manushenge kola mule vash o mestipe, o Kosovako raipe pe date 5, 6, 7 marto organizinela sah populaciuni manifestacia “ Epopeya e UCK-eski/Kosovake mestipaska askeriaki”

 

Srbiako presidento, Aleksandar Vuciq, mothavgya pandar nesave detaipya  kotar e Muniheski sigurimi Konferenca, koya realizisali ano nakhlo chon, kote mashkaro kotor leuhutne sine vi o sherunoministri e Kosovako, Albin Kurti.

O Vuqic vakergya kay nasinele yekh lacho khedibe e Kurteya numay yekh publikno khedipe.

 

O sheruno e Serbiako, konsiderinla e Kurte sar “may lacho filozofi ano Sumdal” kova vakergya  diso karshi e Vuciqeske.

“Nasine yekh chachuno vakeripe. Sine yekh publikno kedipe kote o Kurti mangela sine te vakerel diso na numay karshi mange, ov vakergya  sine vi karshi e Thaceske. Me vakergyum shukar tu siyan sar Hegeli, may lacho filozofi ano Sumdal. Tumen janena sah” Kava sine o agor e mothavipesko. “Niso shukar, racionalno thay niso vash e procesesko lachipe”, phengya o Vuciq.

Mashkar akala vakergya kay ajukerela kay e Kosova te revokinel e taksa. Numay akava si te  ovel e presia kotar e Amerika, ani aver forma na gndinla kay nikana nane te cidingyol.

“Me gndinava kay may semno si te decizina thay te kera lafi e Amerika, kay liniya mashkaro Beograd-Prishtina te ovel ano lengo dikhibe, vi e Evropaka Uniako. Me duhoa ajukerava te kriirinav ledeipe vash may lachi ekonomia, thay te la kan yekhe-yavere  so may shukar. Thay amen simen mangipe yekh dialogi te kera olencar. Simen mangipe vash po buderi vakeripya olencar” vakergya Vuciq.

Veseli: O Kurti vash yekh chon rayipe, sanakergya o ledeipe e Amerika thay mothagya lacho mangipe e Serbia

Sheruno e PDK-partiako, Kadri Veseli vakergya kay vash  30 dive e rayipesko Kurti,shamata thay aroganca ovena sheya vash o sebepi e na butikeripesko.

Mashkaro yekh posti ano Facebook, hramingya kay ano than e pasharipesko vash o siguripe e Kosovako thay zoralipe ano nacionaluno  ledeipe on kerenama\mamuy.

“Srbia mothavela lacho mangipe o ledeipe e Amerika sanakargya ani aver rig mothavela baro na shukaripe  karshi e Albaniyake” vakerla Veseli.

 

“Yekh chon rayipe duy cidime penjaripya vash i Kosova,

 

Albin Kurti janglargya kay ulo olesko yekto chon sar sheruno e rayipasko thay lepargya o deciziye kova lesko ekzekutivi lelo ano akava chon.

  1. Keripe kvash oleske masekune pokipesko thay aver postyengo ano olesko stafi.
  2. Duryaripe bukyata kota 7 nacionaluno koordinatoryengo thay duryaripe  disave deciziengo e nakhle rayipestar.
  3. Anavisalo o Komiteti vash Partneriteti Publiko-Privat, ano ovipe kote si 5 ministrya.
  4. Aprovisali e Ministriaki nisma, vash o Finance thay transferi vash negocie  “Lekanipe vash eliminipe e tatimeski thay achavipe o fiskalno evazioni” mashkaro Kosovako rayipe thay Finlandaki Republika, vi e Holandiako thagaripe.
  5. Ulavdile 29.809.10 euro vash GIZ-eske kola dende vash o nashutne e Shipniaka republikata kay beshte ano inovtvno Biznisesko Parki ano Prizren, palo khelaripe e phuvyako
  6. Duryardile bukyata o Bordi e Direktorengo “Telekomi Kosova”
  7. Cidisalo o pokipe vash o ministarya.
  8. 200 mile euro ulavdile vash e Albania vash zerzelako solidarizipe.

Akala sine 8, pe olesko diklaripe isi  pandar 15 aver decizie.