O Thaçi thay Haradinaj arakhlape e sekreteri-ashutanti Mitchell: Amerikanyuno phikodeipe ano procesi e dialogesko si vitaluno

432

O Presidenti e Kosovaka republikako, bereber e sherune ministrea Ramush Haradinaj o thay o  angluno yeverunosherunoministri, Behgjet Pacolea, adikerde yekh khedipe e sekreteri-ashutanti Amerikanyuno rashtyeno vash i Evropa thay Euroazia,  Wess Mitchell.

Sar si pe yekh penjaripe e Presidencako, ano khedipe vakerdilo vash formiripe e bilateralune relaciye  mashkaro duy rashtre, avansipe e Kosovako euroatlantikuna agendako, procesi e transformipesko e FSK-ako ani Kosovake soldatya, sar ini vash I agorutni faza e dialogeski e pherde normalizipesko e realiciako mashkar I Kosova thay Srbiya.

Sar phengyola pe avipe , o prersidento Thaci, naysi kergya e sekretereske-ashutanti Mitchell vash biaqavdo phodeipe AYR-ngo, kova dengya vash I rashtra thay Kosovaki populaciya ano sah vakti, kotar o tromalipe, e vazdipe e rashtrako thay akana ano zoralokeripe e euroatlantikuna prespektivako.

Vakeripeya vash I agorunu faza e dialogeski, presidenti Thaci potenciringya kay phikodeipe e amarikako ano akava procesi si vitaluno, vash resipe e yekhe agorine lekanipesko thay thameya aobigativuno.

Ani yaver rig e sekreteri-ashutanti Amerikanyuno rashtyeno vash i Evropa thay Euroazia, Wess Mitchell siguringya e Kosovake presidenteske kay o AYR-tre si te lugyaren e sahriguno phikodeipe sar ji akana e Kosovake. /Telegrafi/