Aktualune Nevipya
O terne kotar e Gilanaki komuna vizitinena o Radio “Romano Avazo”
- 22/10/2018
- By Romano Avazo
Ijune diveste ano lokalya e Radio “Romano Avazo” ovela yekh Studipeski vizita kotar o terne e Gilanaki Komuna, aktiviteto organizimo kotar e NRO-ya “ROGRAEFI”.
E vizita sine organizimo ano kuadro e proyektesko kotar upre leparni organizaciye sinela aktiviteti kay te penjaren e ternen kotar o romano komuniteto e jiakantuni buti e NRO”Durmish Aslano” Radio Romano Avazo thay Romano Teatro , resipeya te inkuarinel pere ternen volenteren kay pe avipe oven kotor akale bukyeko kola tene may baro anglipe vash promovipe thay intergripe e yekhe komuniteteske ano malipyuno jivdipe.
Yekhe harne prezentipeya kotar o but bershuni eksperienca , suksesi thay sfide e romane civilyune sektorsko kotar o Prizren, vakergya o r.Nexhip Menekshe egzekutivuno direktori e NRO” Durmish Aslano” thay Radio ”Romano Avazo” resipea kay akaya eksperianca ani teorikuni forma te phiravel pe terne Roma, Albanya thay Srbya e Gilanake komunako . “Sar misal amen lelam tumari organizaciya thay manglam kay te sikavenamen tumere suksesa kola sinetumen ano radio , romano teatro, thay yavera kulturune aktivitetya . Palo tumaro prezentipe so may baro naysipe perla tumenge, amen akana simen may but janiipe kay sar may shukar te ker buti vash promovipe e kulturune identitetesko sar phurt e promovipesko ini e kulturune diverizetesko”- komentingya e kordinatora e proyektesko “O diverziteto kerlamen khetane” kotar e NRO”ROFRAEFI” kolaki seliya si ani Prishtina .
Palo vizita e Radio “Romano AvazO , o avutno aktiviteti e ternenga grupako sine vizita e barvale historikune monomentyengo, ano multietnikuno Prizrensko foro.
22.10.2018 Radio Romano Avazo