Aktualune Nevipya

O Skender Susuri duryargyola kotar e Siklipesko Direktoriati ano Prizren

  • 27/04/2019
  • By Romano Avazo
Share

O Komunaluni Direktori vash o Siklipe ano Prizreno, Skender Susuri si te duryargyol kotar akaya pozita. Politikuno subyekti kotar vov avela, Nisma rodingya olesko tromalipe kotar akava obligipe, vay ano sherdi e mayeske qhoneske, ajukergyola te sistemingyol olesko yaverutno ano akava than, hraminla adive “Gazeta e Prizrenit”.

Ayekha formako decisipe alo palo odova kay e Nisma ano Prizreno analizingya e buti olenge reprezentyengo ano Prizrenosko egzekutivi, olengi buti odoya yekh bersh te kvashuni  kobar siton ano komunaluno guvernipen.

Vash akava konfirmingya o sheruno e krangako e Nismako SocialDemokrativuni ano Prizreno, thay deputeto, Zafir Berisha.

“ Palo kerde analize alam ani konkluzia kay manglape te baryargyol e dinamika e bukyako ano KSD  odova e Prizrenosko  thay ano khetanyuno dakordipe, dakordisalam kay o Skender Susuri te tromalingyol kotar e aktualuni pozita e direktoreski thay vash o yavera profesionalune sebepya  ani yaver rig kotar e rig ini e siklipeski andral e strukturyengo e Nismako”, phengya vash i “Gazeta e Prizrenit”, o Berisha.

Ov phengya kay o Susuri naysipe dengya vash e buti koya kergya ji adive ini mamuy e but bare problemyengo, kolencar ov qhalavgyape.

E Nisma klarifikingya kay vash akava prastav penjargya ini e koaliciake partneryen thay e sherune Mytaher Haskuka.

“ Kotar o sherdi e mayesko si te pashara yekh yaver kuadro vash te lugyarel o angazhipe e jevapipeya ano siklipe e Prizrenosko. Pe buhlipe akale agor kurkoske si te decisingyol vash o personi kova si te yaverinel e r.Susure ”, phengya vash o portali “Gazeta e Prizrenit”, o Berisha.

Pe buhlipe e vahtesko kobar o Susuri sine ano sherunipe e KSD-ko ano Prizreno, qhalavgyape buderi kritikyencar na numay kotar e opozita, so olake rodlaripeya ano nakhlo bersh adikerdilo ini yakh specialuno khedipe ani Komunaluni Kupatna, vash e situaciya ano siklipe, saday kritike sine ini kotar o reprezentya andar o partiye ani koalicia: Vetvedosya thay LDK.

Numay ano sasavipe na konfirmingyola te sine kay akava numay yavera na qalaripya andar e Nisma si sebepya vash olesko duryaripe.

Yever, o Susuri si o duyto direktori ano Haskukasko guvernipe, kova duryargyola kotar e pozita, saday na e sheruneske decipeya, saday e partiako koya biqalgyahole ano akava posti. Ano palonilay o posti tromalingya ini e eks-direktorka vash o Sastipe, Flaka Siqeca,numay sar sebepi akaleske phendilo o phiravipe olake specializipesko avri e Kosovatar./GazetaePrizrenit.net/