O repreprezentya e Prizrenoska Komunake thay odola kotar e NRO-ya “Developing Together”dende klaripe vash o anglipya e thamidarinengo phanglo e socialune beshepaske thanengo angledo som jene ani yekh publikuni debata adikerdi ano obyekto e Prizrenoska Kupatnako.

Karshi akaleske denglola ini klaripe phanglo e kategoriengo kola manglape te ashutingyon, sar ini o hakya thay obligipe e dizutnengo karshi e hakyango vash o socialune beshipaske thana, hraminla adive e “Koha Ditore”.

O Komunaluno Direktori vash e Buti thay Socialuno Shukarhalovipe, Fejzë Kabashi,dengya pe janipe kay akava digasteri angledo yekh kurko thovgya o hramipi pe lil vash yekh memorandumi e shukarhalovipesko e upreleperda organizaciya vash o hramipe e 3-bershune planesko vash o beshipesko thanasko.”Ji akana e Komuna na sinela aykha formako plani”, phengya ov.

Ani yaveri rig o Driton Tafalari kotar e NRO-ya “Developin Together” potenciringya kay o puqipe e socialune beshipaske thanango si tema koya meklili pale kotar o instituciye, so sile hako vash yekh may baro janglaripe e godyako vash o sebepi e aktualuna situaciako.