O Prizreno manifestinla o Flagosko Dive

354

O Prizreno manifestinla o Flagosko Dive. Sar sini ano sah albanyune thana ini ano Prizreno adive hraminla 28 Novembro, Dive e Flagosko thay 106 bersh e Albaniake Biumlavipesko, hraminla e “GazetaePrizrenit.net.

Ano konteksto akale divesko dikhlardile ververutne aktivitetya.

Sheruno aktiviteti sit e adikergyol ano kulturako kher “Xhemajli Berisha” pe ora 14:00, kotar e Prizrenoski Komuna ano ledeipe e malipesko “Jetimat e Ballkanit” vash deipe vasteya o naktarya e 28 kherengo vash o qhorole familie, kote o Prizreno kontribuingya ano vazdipe/kheripe e 20 kherengo. Pe ceremonia ka lel kotor ini o Sherunoparlamentari Kadri Veseli.

Ano kuadro e festyune aktivitetyengo pe ora 12:00 thay  13:00 si te sikavgyol dokumentarune filmya vash o qhavore ano “Dokukino”.

Pe ora 14:45 si te adikergyola ora e poeziake ano kuadro e lilavutne khedipesko “Muzgjet e Prizrenit” ano KAA “Agimi” e Prizrenesko, vay pe ora 17:00 si te putargyol e ekspozita “Restrospektivë” kotar e  Luljeta Gorancit.

Palo odova, si dikhlarde ini muzikalune aktivitetya, kola sit e sherden pe ora 20:00 ano koncerteski rat, ano kulturako kher, kote sit e agorinen pe ora 22:00, e koncerteya kotar Dren Abazi & Zig Zag Orchestra ano  Kino Lumbardhi. /GazetaePrizrenit.net