O Ministri, Mustafa dela lafi vash may baro gendo e bukyarnego ani Kosovaki Policia vash o Romano komuniteti

490

Upral mashkarledeipe  e deipno godyako r.Yashar Qukiq,  reprezenti e Romana Partiayako PREBK,   adikerdilo yekh informativuno khedipe mashkaro reprezentya e civilyune sektoresko kotar o Prizren thay Ministri e Ministriako vash Andrune Bukya  dr. Ekrem N.Mustafa

O respie e arakhipesko sine informipe truyal e aktualuni situaciya odoya e siguripeski vash o Romano komuniteti , sar ini vash o procesi e leipe pe buti thay avokipe vash laqaripekso  e situaciako kana si o lafi  vash leipe pe buti    kotar o romano komuniteti  ano Kosovake Policiake Force .

“ Amen musay siyem te kreirina o afirmativune kondiciye vash te ovelamen ini kobar manglo gendo  e bukyarnengo kotar o  romano  komuniteti  numay ini yavera minoritarune komunitetya ani Kosovaki Siguripaski Policiya . E Kosovaki Republika si Demokrativuni Rashtra  kote manglape te respektingyon ani  beraberuni  savorenge hakya kola jivdinena ano amaro than . O indikatori akalesko si kana amen amare angazhipeya daha shaipya ani afirmativuni forma kay sah o terne roma/ce kola sile kapacitet te te lelon pe buti thay te oven Kosovake Policya. Odova si ini amaro jevapipe  thay sarsakanao si te respektingyol kotar e Ministriaki Vash Andrune Bukya”,  phenya o dr. Mustafa.

O Civilyuno sektori e Romane komunitetesko thay o deipno godi r.Qukiqi palo khedipe lele optimistyune dende lafya kotar o dr.Mustafa kay ano avutno vahti ka keren buderi angazhipe ano afirmativuni forma, kay te ovelamen so may baro gendo e bukyarnego kotar o romano komuniteti  ani Kosovaki Policia koya yekhatar ini  ka ispatinel  o multietniciteti e som jenengo  ano Organya e  Kosovaka Policiako.

Ano agoruno kokursi vash leipe pe buti  janglardo kotar Kosovaki Policia, kote o prago tekstesko vash phiripe angle  sine  70 poenya/thavd , thay vash i bi baht  niyekh  kotar o romano komuniteti nashti resla te olendar te giriqinel o prago e tekstesko thay te khuvel pe buti ano O rganya e Kosovaka Policiako, siklova kotar e web qham e ministriako vash o Andrune Bukya.