Aktualune Nevipya

O Haskuka phenla kay e Komuna “sine avriaylimi” pe buhlipe e phravipesko e ofisyengo e Kulturaka Ministrako ano Prizreno

  • 26/01/2019
  • By Romano Avazo
Share

Sheruno e Prizrenoska Komunako, Mytaher Haskuka , deklaringya kay e istituciya kova ov phiravla si avriyalimi, pe buhlipe e ceremoniako vash phravipe e ofiyengo e Ministriako e Kulturako, Terne thay Sporti ano Prizreno, variabulipesya kay akava si destriktivuno, abokar may buderi  vash o kontributi e Komunako ano olako phravipe, transmetinla e “GazetaePrizrenit.net”.

O Haskuka thay niyekh komunaluno ofisiyaluno jeno.  na dikhlardile ano meseme habe ano ofisiyaluno phravipe e MKRS-ako ano Prizreno.

Vash o opinyuno hako mangava te potencirinav kay o sherune hisedarya e phravipesko e yekhe ofisesko e MKRS-ako ano Prizreno si e Prizrenoski Komuna, vash o sebepi kay vash akaya Ministriya,  amen todingyam duy obyektya kote  ola relokisale. Si o lafi vash o obyekto ano centro e Shatrevanesko, kobaripe e lovengo kova si pedero se 35.000 euro thay vash obyekti  e ‘internatesko’ e lovune kobaripeya truyal 1,000,000 euro, kote iklola ano totali kay e Prizrenoski Komuna e ministriake dengya “donaciya” e lovune kobaripeya kotar 1,350,000 euro. Te sine kay akala sumake  pashara ini e bujeti e harjipyengo vash sistemipe pedero se 20 familie( socialune surya), kola sine jivdinena ano  “internati”, iklola kay e Prizrenoski komuna investingya yekh may bari suma ano akava prtoyekto.

Odolestar, na reprezentipe e Prizrenoska Komunako ano akava phravipe thay  na keripe naysipe upral e Komunaluni Asambleya vash deipe e komunalune phuvyake manginesko e MKRS-ake,  si ini na respektipe upral o Prizrenoske dizutne, ano phuvyake manginya kote si te phravgyon o ofisya e MKRS-ake. Bi lelo pe dikhipe sah akava, me sar Sheruno e Prizrenoska Komunako, si te lugyarav te dav phiko e sah iniciativengo kola si ano shukaripe e Prizrenosko thay Kosovako” hramingya ov./GazetaePrizrenit.net/