E Vrda “Mercedes Benz”, koya vastisali kotar o eks-sheruno e Prizrenoska Komunako, Ramadan Muya, na dikhlola veka ano mayangluno than, pashe e basamakyengo ano khuvipe e Komunaluna Kupatnako (KK), kote ini sile o ofiso o sheruno e Komunako, hraminla adive “GazetaePrizrenit.net’.

Avipea e Muyaske homogenesko, sheruno aktualuno kotar o Vetëvendosya!, Mytaher Haskuka, olako than akana astargya vrda e tipeski “Volkswagen Passat”, kola akava vastinla.

Puqlo so ulo  e  kale Mercedesaya kole sine vastinla o eks sheruno, o ofisiyaluno jeno vash o medie e Prizrenoska Komunako, Lis Dorambari, phangya kay oy si te lugyargyol te vastingyol vash o komunake theripya, numay na vash o sheruno.

“ E vrda sherunipeya vastisali kotar e rig e ofisesko e Sherunipesko e Prizrenoska KK-ko” phengya vash o portal “GazetaePrizrenit.net” Dorambari.

O  phohalo “Mercedes Benzi” dedikodimo vash o sheruno e Komunako, kindilo ano agor e mandatesko e eks-sherunesko, Eqrem Kryeziu (LDK), ano agor e bershesko 2006.Palo leipe e obligipesko, palo yekh bersh ola vastingya o Muja.

Ji kay o reprezentya ani opozita kotar o PDK ano odova periodi kritikinde e Kryeziu vash kinipe e yekha vrdako but pohali vash o kosovake standardya, esk-opozitarya e Vetëvendosake!, ano naglo guvernipe kritikingya o raipen e Muyasko vash uqe harjipya ano riparipe e vrdako./GazetaePrizrenit.net/