O Haskuka kritikingyola kotar o drabarne vash o Liriako klubi

355

O drabarne “bombardinde”e Prizrenoske sherune Mytaher Haskuka, e mesashencar, kana si o lafi vash o fubalesko klubi Liria, hraminla adive “GazetaePrizrenit.net”

O Haskuka yekh dive may angle, ji kay publikingya yekh foto upral pori personaluni rig e  “Facebookeski”, sera keripeya o suskesya kola resle o “Arpajikya” palo yekh kedipe e sheruneya e klubeske, Ilijaz Ilijazi.

Ji kay o truyalipya ano sporti e prizrenlengo e kosovako, kritikinde e Liriya, vash o doshale rezultatya, kote palo 11 kelipya silen numay 3 triunfya, si ano angloagor e tabelako ano kvalifikipe e numay 8 thavdyencar, kote akava na dekoriyaringya e Haskuka, te deklarinel kay sile phakyavipa an sukseseko e parno kalo klubesko.

O Haskuka kritikisalo kana si o lafi e deklaripyengo kay e Liriya ani piri ekipa sila but khelutne thanutne numay odolendar sar transferya.” E Liriako Klubi may angle sinela 14 avrune fudbalerya, numa adive, 22 kotar 27 fudbalerya si kotar e Prizrenoski komuna, hraminla ov.

Drabarno:Sefet Kadrija hraminla kay “ o khelutne kotar e Albaniya na si avrune khelutne. Ov pe lugipe phengya kau “ o sheruno e fk lirija kergya ‘block’ano fb savorenge kola sikavde na qalaripe vash o na shukarne rezultatyengo e kf ririyako, sar kay si e liriya olesko privatyuno mangin”. Akava komenti palo doova lela nesave laykya.

Fitim N. Shala: Qalardilam akale 22 Komunakencar kola kismeti si ani 5 liga thay iklov thay pale ushartu olencar.

Numay, disave yavera komentya kotar o drabarne sine:

Ilir Basha hramingya : “Na,na sheruneya e diz sila merita vash yekh may shukarno klubi ano albanyune teritoriye thay may buhle. Na si starti numay ka ovel but palipe te sine kay na lena deyke avrune trenere thay avrune zoralekeripya. Pale me mangava tumenge shukar tumari buti thay sukseso, numa de hari zori akale bilmezyenge feri so pelam e ligata vay may tele.

Komenti kergya ini o penjardo prizrenosko avokati, Ether Rogova:” Qelalipe amari si kay sah o sherune palo mareba niyekh ver na uravde patike”, phengya ov.

Ano komenti pandilo ini o sheruno e klubesko Liria, Ilijaz Ilijazi, kova naysi kergya e sheruneske haskuka, vash financiyaruno phikodeipe sar ini moraluno upral o klubi.

“Sar klubi amen siyem palikerne tumenge bizo avriyalipe ini e DKRS-ake Direktore R.Ehat Oreshka vash o sah so kergyen kay te na phanglol o klubi, feri so sine anglokolapsi.

Vash o sebepi e orijinalistetesko, o mesashya e drabarnengo ano buderipe na redaktisale thay lelile ayakha sar si ano kerde postipya./GazetaePrizrenit.net