O dakordimo trektiyako ledeipe puterla o drom vash phiravipe (lungyaripe) diyalogesko

391

Yaveruno sherunoministri e Kosovako,Enver Hojay, vakergya kay pe avutno marte dive ano Brisel palem ka len drom Shpend Ahmeti, kota Sociayaluni Demokrativuni partiya e Kosovaki thay Fatmir Limay phiravno e Sociayaluna Demokrativuna iniciyativako,kote ka vakeren e uca reprzenta Evropaka Uniyaki Federica Mogerini.

Yaveruno sherunoministri e Kosovako,Enver Hojay, vakergya kay pe avutno marte dive ano Brisel palem ka len drom Shpend Ahmeti, kota Sociayaluni Demokrativuni partiya e Kosovaki thay Fatmir Limay phiravno e Sociayaluna Demokrativuna iniciyativako,kote ka vakeren e uca reprzenta Evropaka Uniyaki Federica Mogerini.

Ini Fatmir Limay vakergya kay pe avutno marte dive, ka arklol e Federica thay kay ekipaki res e selikane partneryenca te sikavel kay Kosova isila mangipe kay dialog te ovel seriozuno thay kay isito gatisarno te lel obligipe.

“Amen ka ova ano Brisel pe marte dive,ayeka kay kethane te vakera sar dikha phiravipe e diyalogesko. Ayeka kay ka ovel butikeripasko kedipe, tehnikuno kedipe,shay te vakera vash modaliteti kota diyalogesko phiravipe pe avutnipe”.Vakergya Limay vash Radio Tromali Evropa.

Ano mashkar e vahtesko, Raipyuni ekipa vash negocie bibaht nay kergya sar informingya,ji pe 15 yanuaro te gatisarel Platforma vash diyalog e Srbiya,numay Limay vakergya kay ka agorinel ji pe 31.yanuaro. “Pakyava kay e platforma ka ovelamen pe avutno kurko,ka ovel gatisarni sar draft.Platforma isila vash res kay ekipa e Kosovaka Republikaki te ovel publikuno penjardi pe avutno diyalog thay so Kosova ajukerla odole dialogesta.

Pe aver rig Shpend Ahmeti, diklarla kay akaya platforma te ovel gatisarni angledo 30 yanuaro thay informingya kay ekipa vash diyalog e Srbiya themelingya shov komisiye phando e mandatea, koya lelili kota e ansamblea. Ahmeti vakergya kay negociaki ekipa na lela ni yek hramimo dokumenti kota presidento Hashim Thaqi,pe koleste araklola shrdipesko draft e lekanipasko,kana pe aver rig,opozicia insistirinla pe odova kay ayeka draft e lekanipasko isito shayutno thay kay lela o Thaqi thay Vucic.

Diyalog mashkar Kosova thay Srbiya isito achavdo pe novembro nakle bersheste,palo decisipe kota Kosovako Raipe vash khuvipe e taksako kota 100% ano inporti e malyengo kota Srbiya thay Bosna Hercegovina,ayeka kay ofisionalune kota Beograd achavde phiravipe diyalogesko thay cidipe e decisipasko akala taksako. Mashkar o sa,ini kay presidento e Koosvako Hashim Thaqi, vakergya kay manglape te konsideringyol decisia vash taksa,sheruno Ramush Haradinay potecingya kayo oy shay te yaveringyol odoya ver kana Srbiya penjarla Kosovo sar biumlavdo them.

Reprezenti EU vash buhlipe Johanes Han,kova lela kotor ano Ekonomikuno Forumi ano Davos vash srbyuni televiziya N1,vakergya kay si shaipe te alosargyol problemi,ayeka kay diyalog ini shay te phiragyol.

Pe akava konteksi vakergya kay vakeripe e kosovake thay srbiyake presidentoa,Hashim Thaqi,thay Aleksandar Vucic,kola ini on araklona ano Davos, pashargya alosaripe vash tregosko pucipe mashkar Prishtina thay Beograd,thay kay sol duy presidentya lele kan olesko prpozipe thay pe avutne dive ajukerla pozitivuno respodipe.

Ano intervyu vash Radio televizia Kosovo(RTK) kosovako president Thaqi,kota Davos vakergya kay nakhipe na ka bistergyol,numay shay te gndingyol ini vash avutnipe.

Palo arakhipe,ano Davos,e germanyuna kancelara Angela Merkel,srbyuno presidento Aleksandar Vucic vakergya kay”manglape te araklol kompromis vash Kosovo”.Olata adive shungyum teza kay kompromis isito diso kay avla ji pe shukarne rezultatya thay kay manusha manglape te phikoinen kompromisi,a na te bilacakaren pere rivali.

Shay amen ani Srbiya ka la pe konsideripe isito aver chigode”,vakergya Vucic.

Yaveripe e samatradako,yase Srbiya isito lungo vahti kay na acakarela ini kosovako presidento Hashim Thaci. Palo intervyu vash austriyaki gazetaki agenciya APA,Thaqi pe ofisionaluno Facebook cham dengya poro respodipe,kote phangya ini eventualuno koorijipe samatrada e Srbiya.

Dizune shay te ovelolen may shukarno jivdipe,feri so lekanipa lachara ekonomikuni situacia, thay anla may buderi butikeripeske thana,ji kay samtrade ka duryargyon,bazirimo pe evropako modeli.Shansa kota resipe vash ayeka lekanipe ni yek ver na sine may laci, feri so isimen phiko deipe EU thay Yekhune Amerikake Rashtre”,vakergya Thaci.

Sasavipeya Thaci vakergya kay ini Rusiya isitoy gatisarni te phikoinel eventualuno lekanipe mashkar koosvo thay Srbiya,kote potencingya kay na ka ovel ini “Bari Albaniya thay “Bari Srbiya”,numay kay ka del zor integraciya ani Evropaki Uniya.


KosovaLive-Violeta Oroshi Berishaj
Teksti irangya Vera Galush Pacaki