O albanyune Partiye rodena iranipe e bershesko 1878 ano Prizrenosko amblemi

526

O Prizrenoske Komunalune organya si te keren qalavipya vash te arakhen yekh forma vash iranipe e bershesko “ 1878” ano Komunako amblemi.

Vash akava puqipe diskutisalo ani seansa e Komunaka Kupatnako thay som jene akale organesko dakordisale kay angleder te kreirinen statutaruni Komisiya, koya si te lelolpe vash yaveripe e statusesko e Prizrenoska Komunako, astaripeya akate ini o amblemi e Komunako, hraminla e Koha Ditore.

Pe buhlipe akale diskutipyengo thovdilo ini vakeripe ini o fakti phanglo e amblemesko e Prizrenoska Komunako e bersheya 1878 kay sile decisipe e Konstituciake Daviutnako, kote sar si pe ola akava nahakyaipe manglape te korijingyol.

Angledo miratipe e divune rendosko e kedipesko e KK-esko, deunigodyaki e “Vakatesko”, Memnuna Ajdini, variabulingya kay o puqipe e amblemesko e Prizrenoska Komunako si agorimo, ini kay e yekhe decisipea e Konstituciaka Daviutna sikavgya poro siguripe kay na manglape te khuvel thay te ovel ano divuno rendo.