“Novosti”: Vucic janglarla okupacia,te sine kay Kosova kriirinla askeriya!

454

“Novosti” adive hramina vash andruni presia pedero Srbyuno presidenti,Aleksandar Vucic palo angloinformipe vash askeriyako Kosovako kriiripe. Te sine kay formiringyola Kosovaki askeriya, srbyuno presidenti Aleksandar Vucic,ka ovel ani bari presia kota Beogradeske autoritetya vash te janglaren kosovaki okupacia,feri so sar si pe jiakanutno somgodinipe korkoro KFOR,shay te ovel ano teritori e askeriyaka forcako,hraminla “Novosti”.

Srbyuni gazeta citingya andrune haniga e themutne sherutnengo kay lele phikodeipe ini kota ketanyune butikerutnen may pashe pozitake thay may uqe ani Srbiya. “Novosti” hraminla kay sherutne kota Prishtina diklona tromale palo rodlaripe e Yekhune Amerikake rashtre ano OKB- vash cidipe e misiako ano UNMIK-ayeka kay votime unanimikuno kota trin propozipya vash transformipe ani siguripaski forca ani Kosovaki Askeriya. Ministri vash Garavipe ani Srbiya,Aleksandar Vulin,vakergya kay Kosovaki askeriya isitoy shayutno kriirimi vash te phardel srbya thay Srbiya.

“Ji kay isitoy Rezuluta 1244 ano Kosovako zoralipe na ovla te ovel ni yek aver forca e siguripaski uzal KFOR. Kosovaki askeriya pe kolate na si srbya thay mamuy kolake isiton srbya thay Srbiya,isitoy askeriya koya kriirinla vash te phardel Srbiya thay srbya”vakergya ov