Kosovako Presidento Hashim Thaqi pe lungipe e vikedensko vastingya Samiti e diasporako ani Tirana,pe kolate deklaringya kay na ka ovel kosovako ulavipe thay yaveripe e teritoriyako e Srbiya. “Na ka ovel Kosovako ulavipe ji kay dayk jeno na giriqinla prekal moro trupo,na ka angyol ano pucipe ni yek santimetro vash Kosovaki teritoriya, “Trepca”,thay “Gazivoda” numay ini Mitrovica,ni yek kotor”,deklaringya Thaqi. Akaya oleski deklaracia angya reagipe ani politika,numay ini ko kosovake analiticarya,ulavipe e Thacesko stavi truyal agorutne modelesko sah leipe kotor e lakanipasko e Srbiya kova yaveringyola e nakla deklaracia thay angazhipa. Kosovake analiticarya diklarna kay ji pe akava

Thaqesko yaveripe resto sebepi kay na resto te pasharel phikodeipe kota piri ideya thay kota rig e politikuna partiyaki thay mikyuno them . Thaqi akava deklaringya pali vizita kota duy amerikake ofisionalune Jon Eraton thay Viliyam Bredom Berkliya,kola pe lungipe e arakhipasko e kosovake opoziciake reprezentenca pashakarde garanciya kay ideya kota Yekhune Amerikake Rashtre na sitoy yaveripe samatradako yase terotoriyaluno yaveripe e Srbiya thay kay phikoina korkori samatraduni demakracia. Sasavipeya,akaya deklaraciya thay inderkt deipe lafi vash hesapi e Kosovake Sheruneminstresko Ramush Haradinay,vash koleske Thaci vakergya kay sito miko e Milan Radoiciq, pe koleste kosovake prokurorya pakyana vash kotor leipe ano mudaripe vash kosovako srbyuno lideri Oliver Ivanoviq, ande reagipe ko Haradinay,kova irangya kay Thaqi angya baro ziani e Kosovake thay kay sito godorvalo vash “laqharipe e ulavipaska ideako.

“Akava isito Prishtinako produkti thay Prishtinake politiqarya. Presidento Thaqi thay manusha truyal oleste,ini on vazdinde pere vasta akaboka sig kota taksa, savore odova kerena e ideya vash te aprovinen proyekati kova shay te ovel ziyani”,vakergya Haradinay. Haradinay vakergya kay isito shasherimo ini e Isa Mustafa thay Fatmir Lima kay but sig lena pe konsideripe ultimatum e Srbuyata koya rodela te cidingyon takse ano inporti e srbyune malyengo,sar ultimatum vash diyalog ano Bruksel. Savore argumentya vash o takse,isi.Oy achola. Da apeli kay Yekhune Amerikake Rashtre na kay te achol ani Kosova,numay on isiton akate sarsakana ano poro kher”vakergya Haradinay. Lideri e Demokrativuna Kosovaka Partiyako thay presidento e kosovake parlamentesko Kadri Veseli adive ani Mitrovica deklaringya kay ni yek Raipe nay anla ano riziko ledeipe e Yekhune Amerikake Rashtrenca.

“Sakova raipe shay te jal numay na Bondstil.Ni yek Raipe nay anla riziko vash Yekhune Amerike Rashtre.Tumen diklargyen kay me korkoro cidisalum kota akaya debata thay isima laj sar treteringyona amare dizune.Ayeka na ovla,isimen obligipe. Konstituciya thay Kris ekzistinla. Dizune e Kosovaka instituciyake garavna teritoriyaluno suvreniteti amare thanesko”,deklaringya Veseli pe lungipe e puteripasko Centro vash inovaciya ani Mitrovica. Pe aver rig Veseli vakergya kay e Srbiya ka del respodipe ayeka sar meritinla,ini tarifa ini e reciprociteteya. Isa Mustafa,reagingya ani kritika kota Hardinay,ayeka kay na korektno,na dogryuno thay ka benzinla ani angloalosaripaski kampanja ayeka kay DSK mekla ano yekhuno koshi e Thaqeya,Veseleya thay averenca,kana isito pucipe vash decisya e taksaki ano inporti e srbyune malyengo.

“Taksa isitoy prezentyuni kota Raipe pedero direktivi e r.Veseli: tumen angyen,tumen decisnena so ola.Tuman siyen raipyuni koaliciya.DSK isitoy tumari opoziciya.Tumen siyen ano guvernipe thay ma khelini rola e viktimaki. DSK isito sarsakana miko e Yekhune Amerikae Rashtrenca.Vash akava niyeke na puca”,hramingya ano poro Facebook Mustafa. Pe lungipe e vikendesko Koosvako presidento Hashim Thaqi, kova sine ano Prizren thay sherunoministri e Kosovako Ramush Haradinay ano Decane,vastingya shansa te phiravel inderkna akuza thay na dogryuni, a odova so isito ji akana klaro kay sherunoministri na mekla decisipe e taksako ano inporti e srbyune malyengo. Sasavipeya ani Kosova pe 8 thay 9-to marto sekretari vash politikune pucipya ani amerikaki them Deyvid Heyl,ka ovelole resipe ani Kosova te vakerel e kosovake reprezentyenca.Ayeka,kay na achagyola kay e taksa thay dialog e Srbiya te oven ano fokusi e centrosko e amerikake diplomatea Hale thay sheruno reprezenti e Kosovake instituciako.

KosovaLive - Violeta Oroshi Berishaj
Vash o radio Romano Avazo inranipe : Vera Galushi Paçaku