Ini kay televiziya “Koha Vizioni”,nakle dive   transmentingya duy garavde video kola mothavna klasikuno misal  fayda, obligipe thay athavde   yeke Kosovake biznesmene,pe koleste vakerna kay sheruno e parlamentesko  Kadri Veseli lela 200 mile evrya,Veseli adikergya konferenca vash stampa,kote mohingya olesko kotor leipe.

“ Mangava  te dav patav kay me na sima niso akale suroa thay akale manushenca. Akava siito yek atharno suro thay pakyava kay rodlarne autoriteya thay prokuroriya isiton  penjarde pe vahti.Akava isito moro morali,akava isito moro jivdipasko pakyavipe,akaya sitoy miri politika. Moro anav isito vastimo ano akava kriminaluno atharno.Te sine kay yek korkori indikaciya mothavla kay simay  phanglo,me ka cidav vast”,deklaringya Veseli.

Veseli mangla te dengyol klaripe sar sito shaipe  kay kosovaki policiya pe  akava  atharno suro  thay fayda sine penjarde pana 2013.bersh thay kay niso ji akana na lelilo mamuy akala kriminaluna  grupa.

“… Kaske yase  vash kaske manglape sine akava ginipe…Soske akava  video   sine ani fiyoka e policiyake akaboka bersha”,pucla o Vesli.

Sar si  pe   sakodivuni gazeta “Koha ditore”,Kosovaki policiya  arestingya ponj personya. Shtar  olenda  isiton ani zendana  vash yek chon,a yek kota olenda,Rahim Hashimi isito meklo kota zendana.Ayeka kay  na  sito avrichivdo gendo  kay gendo akala kriminaluna grupako sine may baro.

Akala bipakyavne muya  ji akana   ilegaluno  vijainde barvalipe ano  na krisyuno servisi pedero 2.5milionya evrya.

Numay,sheruno e parlamentesko  prekal poro  facebook  hramingya publikuno kay anglo thogya yek penaluni rovlin mamuy personya kola, na shukarno vastinde olesko anav.

“Me ka jav ji  pe  agor  te dav klaripe vash akava suro thay te ulavav penaluno   godornipe  savore leipe kotor  kola  agorinde krim thay odola kola garavde  kriminali shov bersha”,hramingya Veseli ano  Facebook.

Ji kay pe aver rig kolege kota Veseleski grupa dende klaripe akale suroa,kote  vakerde  kay ov na sile niso akala kriminaluna grupa,reprezentya  kota opoziciaki partiya mangena cidipe vast kota Veseli.

Korkore 36 bisnismenya yase 7% anketime biznismenya  deklarinde kay ofisionalune publime rodinde rushveti ano yaveripe  numay servisi yase alosaripe  problemesko,ji  kay  10%  raportinde suro ko kompetune autoriteya.

Po buderi kota 40% anketerime   dende respondipe kay na lelili ni yek masa vash ofisionaluno raporti.

Reprezentya kota civilyuno amalipe kola lele kotor ano prezentipe  akala deklaraciyako vakerde kay isito pedero 70% sure  kota korupciya kola agorinde    ani prokuroria  na ikliste ani kriselin.

Ethat Miftari kota kosovako instituti vash dogripe,kova dengya komenti vash may nevo nevipe pe kolate lepargyola nav kota Veseli thay 200 hilada evrya,kova pe angleder  lela  ano yaveripe vash hospitalesko vazdipe ano phanipe e hospitaleske centroa ani Prishtina,vakergyola kay siyum  qin kay sito suro transferimo ano kris ano Ferizay vakerla  vash phanipe mashkar arestime  policia  thay prokuroria.

Numay,isito interesantno kay Afrim Atashi kota Agenciya mamuy koripciya deklaringya  kay  dende raportya ano instituti“Riinvest” na siton realune,numay kay na sito diso ano regulipe.

Pe akava konteksti vakergya kay Agenciya mamuy korupciya  planifikingya  kay ano sistemi  te regiistringyol thana kota inspektroya  thay aver instituciye,kote shay te diklol sar baravalile akala ofisionalune.

KosovaLive – Violeta Oroshi Berishaj

Radio Romano Avazo-Vera Galushi Pacaki