Nesave hramya kotar e sumdaleske Medie

191

E mocia vash napakyavipaski mamuy raipe Kurti astargya baro thay mahatno than vi ano may prestijiozne mashkarthemutne media.

On potencime kay sah akava ulo ano vahti kana bitiviya o sumdal si ano maripe e pandemia coronavirus.
BBC hramingya kay “O nalekanipe vash o coronavirus azhutime ano pelaripe e raipasko”

The Guardian hramingya “ E Kosovako raipe pelardilo kotar e napakyavipaski mocia”, kote potencingya o frdipe e Andrune Bukyenge Ministre, Agim Veliu thay phengyola kay palo 12 oryengo debate votuisalo vash pelaripe e raipasko e 82 votencar pro, 32 mamuy thay 1 abstenipe.

New York Time sar aver bare medie na mukle b9i hramime yekh artiklli vash e Kosovaki situacia. E titulla si “Coronavirus azhutinlla o pelaripe e Kosovake raipasko, yekhe harne azhutipa tari SHBA”, akala kritikya gndinena kay e amerikaki dipomacia sinela baro roli ani akaya situacia.

Ini Deutche Welle hramime yekh artikli e titulla “E Kosovako raipe perla tari mocia e napakyavipaski vash o sebepi e coronavirusesko”, olengo potencipe si kay o Kurti na ulavgya shukar o bukya vash o menaxhipe e pandemiako coronavirus.

Sar janena irati pelardilo o raipe e Kosovako ani may bari kriza e sumdaleski sar si e pandemia.