Aktualune Nevipya

Nejip Menekshe adikergya e romani kultura jivdi, vakerla o Fetah Pacarizi

  • 08/02/2021
  • By Romano Avazo
Share

Pe data 8 februari adikerdili e emisiya e misaferia ano studio r. Fetah Pacarizi – direktori e profesionalune teatrosko “Bekim Fehmiu” ani Prizrenoski komuna ano kuadri e proyetesko “Youth deficits and benefits from the Roma, Ashkali and Egyptian communities” kova phikongyola kotar e Amerikaki ambasada e selia ani Prishtina thay implementingyola kotar e organizacia Durmish Aslano, respektivitetea mashkaro medialuno departamenti, radio “Romano Avazo”

Rayo Fetai sine khardo ani emisia e tema “Prizrenoski Kultura”, kote ov mothavgya o suksesya thay o resipya e Prizrenoske Profesionalune Teatrosko “Bekim Fehmiu”, missal: o drame kola realizisale ano nakhlo bersha, o festivalya kote lele kotor akala drame, o poqinya kola triumfinde e Prizrenoski teatraluni trupa.

Mashkaro but aver informipya thay deklaracie, o rayo Fetah Paqarizi dengya poro gndipe vash o Romano Teatro “Nexhip Menenkshe”, kote vi ov korkoro si yekh e manushendar kova dengya poro kontributi vash o egzistipe thay avansipe akala teatraluna trupako.

Vi ayekha ov lepargya poro ledeipe e rahmetlia: Nexhip Menekshe thay olesko baro kontributi thay sakrifikipe vash o romano teatro.

“O romano komuniteti thay tumen, musay siyen te keren nays e rahmetliaske Nexhip Menekshe, feriso ov mashkaro teatro adikergya jivdi e romani kultura, qhib thay arto.”, phengya o r. Pacarizi.

Pe agor ov inkurayingya o Romano Teatro te lugyaren para bukya thay te gatiseren laqhe drame, vash o barvalipe e Prizrenoska kulturako.