Vash te dengyol qar boyako dudi (yeshel) vash blokada e dialogesko ano Brisel mashkar Kosovo thay Srbiya, thay te reslol agorutno lekanipe vash sah leipe kotor kota duy thana,phiravne kota Koso-vaki instituciya araklona but ver e ambsadorea kota Yekhune Amerikake Rashtre Filip Kosnet, pe ago-rutne duy dive thay vakerna e uca ofisionaluna Steyt departamenta.

Sasavipeya , pe sakova arakhipe,na sine kompro-misi andre raipyune koaliciako vash te cidinegyol yase suspendingyol yek decisia pedero tarifa inpo-nimi kota 100 % vash yek harno vahti ano inporti e malyengo kota Srbiya thay Bosna Hercegovina, kova isito ultimatum vash dialog kota Srbiya,phikodendo kota Yekhune Amerikake Rashtre thay Evropaki Uniya.

Sherunoministri e Kosovako Ramush Haradinay va-kerla kay taksa shay te achol ani forca, pe kolate isile phikodeipe koaliciake partnere Fatmir Limay,ji kay parlamentesko presidento Kadri Veseli, thay Aliyansa vash Nevi Kosova Behjet Pacoli, dikna kay decisia e taksako shay te suspendingyol pe ulavdo vahti.

Pe akala kedipya sine prezentyuno e Kosovako Presidento Hashim Thaqi, kova phikoinla kote shay te putergyol drom e diyalogesko thay suspendin-gyon takse pedero srbyuno thay bosnako mali. Pe akava konteksi, prekal piri rafin Facebook vakergya kay palem sinole vakeripe telefonea e Jon Bol-ton,somdeipe godi vash selikano siguripe ameri-kake presidentoa Donald Tramp,numay palo odova ini e sekretarea vash Evropako azhutipe Ves Micel.

Thaqi vakergya kay e Micelea vakergya vash poli-tikuni situacia ano Kosovo, thay kay dakordisale vash te phiragyol angazhipe vash agorutni faza e diyalogeski mashkar Kosovo thay Srbiya.

“ Savore instituciye ano Yekhune Amerikake Rashtre, phikoina Kosovaki Republika vash res e alosaripaski, sah leipe kotor,kova pe agor e ago-ripasko anla traynipe thay stabiliteti ano Ratoriguno Balkani”.hramingya Thaqi.

Ani emisiya “Interaktiv”ani televiziya Kohavi-sion.amerikako ambasadori Filip Kosnet, vakergya kay olesko than na dengya ni yek ultimatum Koso-vake vash taksa ano inporti e srbyune malyengo,sar vakerde lokalune mediye.

Sherunoministri e Kosovako Ramush Haradinay, vakergya kay savore kola gendina kay decisipa e taksako ka “rumingyol” e Yekhune Amerikaka Rash-tra, kerna savore bangipe ,feri so decisia vash takse isitoy mamuy Rusiya.

Haradinay, pe lungipe ijune divesko vakergya kay oleski partia isitoy gatisarni vash anglovahtyune alosaripya, te sine kay odova ov-la”decisingya”koaliciako partneri e (PDK),numay e taksa na ka cidingyol.

Kadri Vesli,kova ani avrirenduni konferenca vash stampa vakergya kay isito resto lekanipe e sindikata vash edukipe,skenca thay teknologiya,ayeka kay akana isito pe rendo iini alosaripe vash taksako pu-cipe.

“Ayeka sar adive dikha,ka arakhape ini vash tak-sa,ano thanutno interesi.Kethane shay te da res-podipe”,vakergya harno Veseli.

Nesave kosovake analistya, vakerna kay raipyuni koalicia,may dur ji pe lunyako dive, shay te anel agorutno decisipe phando e taksa,numay decisia shay ka ovel suspendimi pe 120 dive,sar dela propozipe Veseli,yase te achol ano zoralipe,pe ko-late insistirinla Haradinay.

Ano sakova suro, epilog divune kedipesko ano Sombershipe,pe kolate deputeya shay te votuinen vash Kris e Bujetesko 2019, shay te prezentinen klaruno parametric, te sine kay raipyuna koalicia isitoy stabilyuni thay koba ka reslol te kerel an-druno kompromisi phando e decisia vash phiravipe e taksako pe srbyuno thay bosnako mali.