Menaxhipe e Siklipesko kotar DKA

278

Sar jangyola pe 12 Marti, vash o sebepi e globaluna pandemiako COVID-19 o Raipe angya deciziya vash te aqhavgyol o procesi e siklipesko. Akava kergya sar preventivune mase vash te na buhlol o gendo e infektime manushengo ani Kosovaki Republika. Aqhilo thay qhindilo o konvencionaluno siklipe numay na aqhilo e siklipasko procesi.

 

Mashkar o informacie kola silen e terrenestar e situacia diklola kay si shuka. DKA yekhatar palo phandipe e skolengo shrdinde anglune bajakya thay organizinde o siklipe ani distanca.

 

Kerdilo yekhutno butikeripe kotar o sikavne, siklovne thay dadalarya, akava triniglo funksioningya shukar. Sah e lele raportyendar kotar o direktorya e skolenge mothavgyola kay jiakana o procenti si qalarno thay uqo ano anav e phiravipasko o online siklipe, thay sakole niveske siklovne (funduni skola thay maskaruni) siton phande ano akava sistemi.

 

Nashti phengyola kay si definimo datumi kana ka phraven o skole, DKA thay MASHT si dikhindoy e situacia thay te sine kay nasi te oven neve surya odoya var ka shrdel o siklipe. O Raipe iklisto yekhe planea kova sile trin (3) faze, kote ajukergyola kay pe shtar (4) May te phergyol o yekto putaripeski faza, kote ani akaya faza diklargyola te oven o gatiseripya vash o shrdipe e siklipeske procesesko kote prioriteti silen o maturantya. Mashkar akava plani ajukergyola kay pe 15 Yuni te shrdel o siklipe, sakoyaver dikhipa e pandemiaki situacia.

 

O ledeipe si qalarno mashkaro sah o institucie thay e organiziencar, o kontaktipe kergyola ano elektrikune forme, emailya vay mashkar o telefoni.

 

O informacie mothavena kay si yekh baro gendo e foshnengo kola si phande ano sistemi vash o siklipe, numay si yekh gendo tikno kova na si phande ano akava sistemi. May but informacie si te ovelmen ano avutno kurko kote si te kedingyon o raportya kotar o direktorya thay pe pakyavipe kay ka ulaven vi amencar. Odoya var si te ovelmen yekh dikhvalin kote shay te la kan kobor si o roma, ashkalie thay o egipqayna phande ano akava sistemi. Palo akava si te dikhen yekh shaipe vash te ulaven elektrikune sheya, vash te ovelolen shayipe o siklovne kotar o komunitetya te phangyon ano edukaciake platforme. Akava si te kerel e  Komuna ano ledeipe e organizaciencar.

Vash te la kan sar si o rezultati thay e situacia vash o siklipe amen kergyam yekh intervista e direktorka, kotar o DKA (direktorati vash o siklipe), rayna Xhemile Vezgishti Thaqi.

Akala informacie si produkti e stafesko Radio “Romano Avazo”.