LPRK adikerla poro lafi vash romani qhib

70

“O garavipe thay promovipe e romana qhibyako” sine sar lafideipe e partiako LPRK ano alosaripe e bersheske 2021. Palo vijaipe ano alosaripya e partia LPRK thay lako sheruno, o deputeti Erjan Galushi adikerna poro lafi.

Akana, LPRK phiravela piri politika, pe yekto ver ani historia e Kosovaka Republikaki, ano raipaske institucie o postipya ovna vi pe romani qhib.

Mashkar taloministro e Ministristriako vash e Kultura, Terne thay Sporti, r.Seynur Veshall, adive pe data 21 may 2021 hramisalo Diversitetesko Dive pe romani qhib ani officionaluni qham e MKRS-eski.

Vash may buhle drabareni o postipe ani facebookeski qham!

“Mashkarselikano dive vash Kulturuno Diversiteti thay Evolviripasko Dialogi si yek nacionaluni festa koya festingyola pe data 21 mayi, adoptimi kotar Yekhuni Naciengi Asambleya ano rami e UNESCO vash te promovinel kulturuno diversiteti.

Akava dive hramisalo sar reagipe mamuy keripe ziyani e Budenge statuyengo ano Bamiyan e Afganistakesko ano bersh 2001.

Diversitetesko Dive si oficialuno penjardo sar “Mashkarselikano Kulturuno Dive vash Dialogi thay Evolviripe”, sar yek shayipe te del ajutipe e komunitetyen vash te vazden kulturuno diversiteti thay te promovinen yekhuno losalo jivdipe.

Akava dive si mahartno vash i Kosova, sar yek mesto than ani Europa e ververutne kulturencar thay perspektivyencar kola yekhutnejivdinena ani phud e tolerancaki thay diversiteteski.”