Leni e beshavni numay mi godi nashti yaverinena

153

Amen shrdingyam phenipa reciprociteti e akana mangena te phena amare dizutnenge kay musay siyam te mukha o reciprociteti. Te manglape referendumeya te manglape neve alosaripya mukha e deciziya e dizunetnenge.
Kala sine o alava e sherunoministreske ani biajukerdi seanca kote pandar diskutingyola vash o pelaripe e raipasko.

“Vash o sepebi e chibyako, yase e komunikaciako nashti ovla o phagipe. E tarifa si sah akala bukyako shrdipe.
Me na sim vash te mekhav o reciprociteti. Tumen shay hovavena e manushen numay me nashti. Sar janena kobar amen akava beshipe vash o reciprociteti adikera kotar o bersh 2011 thay nashti mukha yekh sheya koleya sakoya ver siyam phiravde amaro drom.

E idea e reciprociteteski amen manglam te kera chachipe na numay te adikera lafipe ano amare séance butikeripaske. Thay lelampekan kay e tarifa cidingyola numay te sine kay khuvla ani funksia o reciprociteti.

Tumen shay kerena mocia, tumen shay aravena/pelarena o raipe, tumen shay lena miri beshavni numay tumen nashti yaverinena moro gndipe thay mere beshipya kolencar me ji akana alum akate.

Akala sine o alava e sheruneministresko kote saren ule yekh vash te pelaren olesko raipe.