KQZ- vazdla kapaciteti e genipasko ano QNR

42

Resipa vash janglaripe odova may sigutno e agorutne rezultatyengo,Centraluni Komisia e Alosaripaski vazdingya ano maksimumi kapaciteti ano Centro e Genipasko thay Rezultantyengo.

Ano akava centro akana kergyola buti ano 40 mesa genipe feri so olengo gendo kota 28 sine jip e marte dive.

Nevipe vash Ekonomia Online dengya pe janipe avazdeutno ano KQZ, Valmir Elezi kova vakergya kay akava ovela resipe kay KQZ te resel so may sig agorutne rezultatya e alosaripaske pe 14 februaro.

Numay Elezi dengya pe janipe kay pe ora 15:00 ka adikergyol konferenca vash medie ano QNR vash te penjarel phando e bukyake progresea ano akava centro.