Kosovaki opozita refuzinla te lel aktivuno kotor ano Briselesko dialogi

413

Yaveruno sheruno ministri Enver Hojay dengya  pe  janipe  kay  pe  shrd  e   avutne  bershesko ji  pe  “anglonilay” dialogi  mashkar Kosova  thay  Srbiya  ka  khuven  ani  nevi  faza thay  kay  Yekhune  Amerikake  R ashtre  ka  len kotor   pe  akava  dialogi.

 

Ov  vakergya    odova  so  ulo   ji  akana   sine  diplomaciya”bajako palo bajako”,numay  kay  ji  pe  agor  e  anglonilayesko  ka  resel  yek  sa leipe  e   somgodinipasko.

“Ano diyalogi  Kosova  thay   Srbiya  ano  Brisel  ka  vakera   10  ji  pe  15  shayutne  teme.Pe  divuno  rendo  ka  ovel  ekonomikuno   puqipe,vash nashavde  manusha,thay  manusha palo  mareba.

 

Pakyava  kay  te  sine  kay  phana  kota  nesave  vasne  teme,shay  te  ovel   ini  skica   kola  agorinla  ini   e  momentaluna  istoriya  ano Parno kher”, vakergya   Hojay  vash “Lajmi net”.

Ayeka  godinipe  ulavla  ini Bekim Colaku,politikuno  deutno godi ano   Kosovako  presidentesko kabineti  Hashim Thaqi,kova radio Tromali  Evropa  vakergya  kay Evropaki Uniya achola mashkar  ano briselesko dialogi  vash normalizipe  mashkar  Kosovo thay Srbiya, kote dengyola nota kay sheruno  phikodeipe  e  Yekhune  Amerikake Thema   isito  pe  akava  procesi.

Ini  Evropaki  Uniya   pakyala kay   lil  kova  amerikako  Presidento  Donald  Tramp  bichalgya   Kosovake thay Srbyune  sherunenge  Hashim Thaqi thay Aleksandar Vuciq    isito signali  vash   phikodeipe  briseleske  dialogesko.

“Dialog  mashkar Beograd  thay Prishtina  kova phiravla  presidento  Thaqi,  thay Vuciq,   uci reprezenta Evropaka Uniaki Federica Mogherini,thay Yekhune Amerike rashtre”isito vasno partneri  pe  akava  procesi”vakergya Kociyanciq.

 

“Sar  sheruno  e  asambleako,ka  kharav  tetradi  dive   pe  ora 10:00,presidente,sherune ministre,negociaki ekipa,sar ini reprezentya e parlamentaruna  grupake  kota  opozitaruni partia, demokrativuni Alenca, thay Vetvendosye.

 

Amen  ka  kedingyova  vash te lenpe  suroa  e  dialogeske   kova sito  manglo  vash res  e agorutnE   ledeipasko  ,koya sigurinla Kosovako  penjaripe  e  Srbiyako,yek sherunipe  ano Ketanyuno Selikanipe  thay  antarsipe  ano NATO  thay Evropaki Unia”,vakergya Veseli.

Numay,sasavipeya  reprezentya kota akala  duy partie na ka len  pe  konsideripe  kharipe  kota Veseli.

Talo sheruno e  demokrativuna Aleancako  Vash Kosova Lutfi HAziri,  vash  online   mashkar  Blic vakergya  kay sito but zabade(dosna) vash ayeka kharipe.

“But isito  zabade  presidento  PAN-ista,akava sine olesko alosaripe,olesko coripe isito  Socialdemokrativuni partia,bahtali buti  bizo   amen”,vakergya Haziri.

Yaveruno e DSK-ako Arben  Gashi, deklaringya  kay oleski partia na duryadili kota  respondipe pe  akava  procesi thay  na  manglape  te  cidingyol  kota ultimatumi.

 

Ini   ji  kay  reprezentya  e  raipyuna  koaliciake  insistirina kay  sa leipe kotor  e  ledeipasko  vash  Kosovo-Srbiya  shay te  reslol vash harno vahti,britaniako analitisti Tim Juda  na  pakyala  kay  ayeka diso  shay te  reslol but sig.

“Thaqi  na   sile raipe ano parlamenti.numay yekhune Amerikake Rashtre na silen so  te pasharen Vuciqeske”vakergya Juda.

Numay, te  ovla  sine   res  e  eventualune  somgodinipasko e Srbiya,bizo  kotor leipe  duy  opoziciune partie DSK thay Vetbendosye, isito vasno te siguringyol 2/3 e  votyengo  yase 80 kota 120 deputetya,koba gengyola kota parlamenti e Koosvako,vash te ovel validyuno.

 

DSK- vakergya kay, sar opozicia, ka del kontributi  vash  diyalog  ano Kosovako raipe,te sine  kay  ano  mashkarovahti  na   resla drastikyuno  yaveripe  kota  akaya  partia,ayeka kay ratifikipe  eventualune  kosovake-srbyune  somgodinipasko  umlavgyola  korkoro  e  deputeyenge  votenca  DSK.

KosovaLive – Violeta Oroshi Berisha