Kosova phergya kriterya vash liberalizipe e vizako

410

Komisionera ani EU-ya vash Ekonomia thay Digitaluno Amalipe,Mariya Gabriel,evolviringya yek kedipe e yaverune ministrea Enver Hojay,ministri vash Inovacia Besim Beqay, thay Ministri Ekonomikune Evolviripasko, Valdrin Luka.

Palo kedipe komisionera ani EU-ya vash Ekonomia thay Digitalno Amalipe,Mariya Gabriel,vakergya kay Kosova shay te ovel yek kota amare partnerya te oven phande te vastinen teknologia sar yek ekonomiako motori.

“Mangava te vakerav kay amari kooperacia na sitoy korkori shukarne lafea, numay sitoy konkretyni.Akana isito vahti te realizina but konkretyuni dimensia. Aqhavipe romingosko vash rayoni,amen kera buti thay simen klarune ambicie vash akava. Akaya populacia but terni manglape te investingyol pe amare dizune.Mangava te phiravav thay te phiraven pe akava drom vash te dikhen inovacia sar yek shaipe”vakergya Gabriel.

Oy vakergya ini vash liberalizipe e viazako vash Kosova. Kosova kergya but vash te vijainel liberalizipe e vizako thay shay te bahtakara savore vash akava. Isito vasno te phiragyol e dialogea ano savore thema vash te decisingyol so may sig.

Savore kriterya-ultimatum isito pherdo,numay na sito loko procesi.Isitumen akava potenciali thay sito vasno te phiraven. Liberalizipe e vizako isito vasnipe vash tumenge thay phireni te keren buti andre tumaro than”vakergya Gabriel. Numay,yaverunomnistri Enver Hojay,kergya nays komisionra vash sakova dendo kontributi vash e Kosova.

Phando vash liberalizipe e vizako Hojay vakergya kay pe agor e bershesko ka diklol koba sitoy Evropa fer ano raoprti e kosova. “Evropaki Komisia sine klaryuni,Evropaki komisia sine klaryuni thay amen manglape te kera buti. Me pana siyum odolea te na vazda but tensia ani publika,te kera buti may buderi e sherunedizencar.Pe agor e bershesko ka diklol koba kerdilo numay kerdilo mi fer e Kosova se na, sito mi dogri e Kosova se na.Te sine kay isi dayk test kay diklarla kredibiliteti e Evropako ano raporti e kosova isito liberalizipe e vizako.Ovla sine ironiya kay ano bersh 2019 te pakya kay EU-ya patavel Srbiya te penjarel Kosova te sine kay na si andruno kapacitet te angyol decisipe vash liberalizipe”vakergya Hojay.