Klaryuno mesazhi Germaniyako vash Kosovo,ani Prishtina thay Beograd

360

Angledo phiravipe srbyuno-kosovako dialogi ano Brisel,sar si  pe  penjaripe  ano chon novembro,uce ofisionalune e kosovake ijune diveste ani Prishtina  vakerde e Metyu Palmerom,Yaveruno  Amerikako  Sekretari vash evropa thay euroaziyake pucipya,ministri vash garavipe   Montenegro,Predrag Boshkovic,thay Petar  Bayer,deputeti ano germaniyako Bundestag,CDU ano guvernipe Angela Merkel.

Trin diplomatya dende lafi vash  phikodeipe vash  Kosova ano evropako integripe thay phiravipe  dialogesko e   Beogradea,ano resipe  te reslol yek agorutno alosaripe,numay  kosovake medie dende may baro buhlipe germaniyake diplomateske Peter Bayer,kova pana yek ver puterdo vakergya  vash ofisionaluni res   ani germaniya,kay sakova  yaveripe e samatrandako ano Balkani  isito na manglo thay akaya isitoy  ideya e uce rezikoski.

Peter Bayer  ani konferenca vash stampa”putergya” jurnalistyenge thay respondipe e presidntesko Hashim Thaci  kana irangya stavi kay  sakova koorijipe sine na manglo vash ofisialuno Berlin.

“Me sim presidento akale thanesko, me anava dciziya”vakergya Bayer e jurnalistyenge ani Prishtina, Thaqeski res thay mashkaro aver vakergya kay asamble isitoy odoya koya prezentila  dizutnengo mangipe.

Sasavipeya akava isito stavi e kosovake presidentesko kova angya   reagipe.

Lumir Abdijiku,kota Demokrativuni Yekhuni Kosova  vakergya kay germaniyako guverinipe  marelape thay may but garavla kosovaki teritoriya  kota presidenti Thaqi.

“Sasavipeya,isito shukarno nevipe kay ratoriguno guvernipe na dikna  presidente sar politikuno  reprezenti  e koosvake avazosko.Vash olenge parlamenti,sar ini vash sakova drabarno amare konstituciake rendosko, parlamenti  isitoy korkori adresa vash prezentipe.

Akava isitoy nevi pozita,siguripa kay ajukergyola  vasnipe vash amaro than”,vakergya Abdijiki.

Numay Muharem  Nitay kota  AAK-partiya sasavipeya vakergya kay  Kosovako  Sombershipe”decisinla vash dialogi” thay oleski rola  isito kotor e  Kosovaka  Konstituciako.

“(Sombershipe) decisinla vash adikeripe,decisinla vash platforma,negociaki ekipa thay pe agor sakova ledeipe e  Srbiya”,vakergya Nitay.

Kosovako analisti Ramush Tahiri,komentingya pedero dendo mesazhi mashkar Thaqi thay Bayeri,kote dikla kay na manglape “decisipe pedero akaya situacia  te bayrol  ano servilizam”

“Kana isito  nacionaluno thay themutno  interesi, dikhat na manglape te bayrol ano servilizam.Kosovo isila  ledeipe e Yekhune Amerike Rashtenca thay odote koordingyola  ini buderi   pucipya”vakergya Tahiri.

Numay,Bayer ano pucipe e jurnalistyengo vakergya  kay na sito pedero leste  te del idea sar te resen sasavipeya  lekanipe e Srbiya,thay vakergya kay”modeli duy Germaniyake na manglape te  injorigyon”.

Ano intervyu vash TV Klan Koosva,Bayer  vakergya  kay agorutno  lekanipe mashkar Prishtina thay Beograd shay te penjargyol sar sovranyuno thay biumlavdo them vashte ovel somjeno ano  OUN.

Sheruno ministri  e Kosovako Ramush Haradini ani misia  Rubikon ano KTV dengya komenti vash koorijipe  samatranda e Srbiya  kay akava isitoy yek “muli opcia”thay niyek na sito gatisarno te khuvel ani ayeka eksperimenti.

Haradinay  ano vakeripe e Thaqesko vakergya kay sito gatisarno te cidingyol  e koorijuna samatraduna ideako  te sine kay isi alternativa,kote vakergya kay isi yase(egzistinla)-a odova isito kay jivdina traynutno sol duy nacie”ini kay sasavipeya na ka calakarel oreksi (apetit) ofisialune Beogradesko”

“Manglape te besha,gndinava kay alternativa  isitoy respekti akala samatrandako” vakergya mashkaro sa sherunoministri e Kosovako.

Sasvipea ano zoralo  mamuipe  e koosvaka opozitako thay civilyuno amalipe,Thaqi na korkoro kay cidingya vast kota idea e samatradaki, numay dengya pe janipe kay ka ovel puterdo pe avutni runda ano Briseleske negocie.

Germaniyako parlamentari Bayer kova adive sinole res ano Beograd, ano vakeripe e ministra vash evrointegracia Yadranka Yoksimovic,vakergya  kay  penjardili ajukeripaske  stavea Prishtina thay Beograd  kota dialogi,thay kay “on manglape te iranen kredibiliteti ayeka kay solduy riga pherna olengo obligipe”.

Ministra Yoksimovic vakergya kay Srbiya decisingya te arakhel thay kriirinel alosaripe ayeka kay ovla sine shuka kay them Evropaka Uniake phikoina sakova resto  alosaripe prekal dialogi.

Sar si  pe srbyune mediye,Bayer pe lungipe e vizitako  vakergya kay alo e mesazhea kay Srbiya shay “”de jure” te penjarel sovranyuni Kosovaki Republika te sine kay mangla te khuvel ani Evropaki Unia.

“Vasno isito kay savore lele kan  sar pe shrd  e dialogesko procesi numay sine  klaripe kay na ka ovel jip e normalizipe e lekanipasko,yase sasavipe e dialogea, bizo de fakto e teritorialune integritetesko Kosovaka Republikako.Akava manglape te ovel klaro”vakergya Bayer.