Kedipe adikerdo kotar BRO “Nevo Koncepti “

366

Adive ano ofisya e Prizrensoka Komunako, adikerdilo o ponjto khedipe rendoa e bukyarnencar thay rodlarne e bukyake kotar o komunitetya Roma, Ashkaliye thay Ejiptasya, civilyuno malipe, ofisiyalune komunalune som jene thay mediye.
Ano akava khedipe sine prezentni e Ry. Sadije Osaj-Jakupi, asambleistya thay som jene kotar Komuniteti thay Komunitetya, kote ini ulavde o informipe vash o dokumeno e akciyune planesko akale komuniteteske ano umal “leipe pe buti” thay adikerde yekh berabervakeripe e reprezentyune jenencar vash avutne bajakya ano angashipe ano akava umal.

Ayekha ini o Osman Osmani, sar egzekutivuno direktori e NRO Nevo Kocepti ano interaktivuni forma diskutingya e reprezentune jenencar vash e situaciya kolencar arakhlape o komunitetya Roma, Ashkaliye thay Ejiptasya ano umal “leipe pe buti“ thay rodingya may baro angashipe kotar o komunake jene vash laqaripe e saastarda situaciako ano amaro malipe.
Resipe akale kedipyengo si laqaripe e komunikipesko thay ledeipesko mashkar o komunitetya Roma, Ashkaliye thay Ejiptasya thay akterya kotar o socio-ekonomikuno digasteri ani Prizrenoski Komuna.
Akava aktiviteti realizisalo ano kuadro e proyetesko”Laqaripe e dialogesko mashkar o bukyarne kotar o komunitetya Roma Ashkaliye thay Ejiptasya thay socio-ekonomikune akterya”, phikodendo kotar o OPIC thay inplementimo kotar “Nevo Koncepti”.